އަންނަ އާދިއްތަ ދުވަހުން ފެށިގެން ހަތިޔާރާއެކު ސިފައިންގެ ތަމްރީންތަކެއް މާލެ ސަރަަޙައްދުގައި ކުރިއަށްގެންދާނެކަމަށް ދިފާޢީ ވުޒާރާއިން ބުނެފިއެވެ.
އެމްއެންޑީއެފުން ބުނީ، މި ތަމްރީންތައް ކުރިއަށްގެންދިޔުމަށްހަމަޖެހިފައިވަނީ ހުޅުމާލެ ފުރަތަމަ ފިޔަވައްސާއި ދެވަނަ ފިޔަވަހީގައި ކަމަށެވެ.
އެގޮތުން، އެ ސަރަގައްދުގައި އަންނަ މަހުގެ 5ވަނަ ދުވަހާހަމައަށް ކޮންމެ އާދިއްތަ އަދި ބުރާސްފަތި ދުވަހެއްގެ ހަވީރު 16:00އިން 18:00އަށް އެ ތަމްރީންތައް ކުރިއަށްދާނެކަމަށް ބުނެފައިވެއެވެ.
އަދި ކޮންމެ އަންގާރަ ދުވަހެއްގެ 22:00އިން އަނެއްދުވަހުގެ 1:00އަށް ތަމްރީންތައް ކުރިއަށްގެންދިޔުމަށް ހަމަޖެހިފައިވާ ކަމަށްވެސް އެމްއެންޑީއެފުން މައުލޫމާތު ދެއެވެ.
އެމްއެންޑީއެފުން އިތުރަށް ބުނީ މި ތަމްރީންތަކުގައި ސިފައިން ކޮމްބެޓް ގިޔަރުގައި ހަތިޔާރާއެކު ހަރަކާތްތެރިވުމަށް ހަމަޖެހިފައިވާކަމަށެވެ.
Advertisement
This content is created and paid for by advertisers and does not involve Voice Journalists
