ބީއެމްއެލް މާސްޓާރ ކާޑުން ވިޔަފާރިކޮށްގެން ޗެމްޕިއަންސްލީގް ފައިނަލުގައި ކުޅޭ ޓީމްތަކާއެކު މެޗް ފަށަން ދަނޑަށް އަރާ ކުދިންގެ ތެރޭގައި ހިމެނުމުގެ ފުރުސަތު ލިބޭ ޕްރޮމޯޝަނެއް ފަށައިފިއެވެ.
ބީއެމްއެލުން ބުނީ މި ޕްރޮމޯޝަނުގައި މާސްޓާރކާޑު ޕްލޭޔަރ މެސްކޮޓް އެކްސްޕީރިއަންސްގެ ދަށުން ފުޓުބޯޅައަށް ލޯބިކުރާ ކުދިންނަށް ޔުއެފާ ފައިނަލްމެޗް ބަލާލުމުގެ ފުރުސަތު ލިބި، ދުނިޔޭގެ އެންމެ މޮޅު ބައެއް ކުޅުންތެރިންނާއެކު ދަނޑަށް އެރުމުގެ ފުރުސަތު ލިބިގެންދާނޭ ކަމަށެވެ. މި ޕްރޮމޯޝަނުގެ ދަށުން އިނާމުގެ ގޮތުގައި ދެ މީހަކަށް ހުރިހާ ހަރަދަކާއެކު، މިއުނިކްގައި 4 ދުވަހަށް ހުރުމުގެ ފުރުސަތު ލިބޭނެއެވެ. މިގޮތުން މިއުނިކް ދެކޮޅު ޓިކެޓާއި، ހުރުމުގެ އިތުރުން ޗެމްޕިއަންސްލީގް ފައިނަލުގެ ޓިކެޓާއި ޕޮކެޓް މަނީގެ އިތުރުން ވެލްކަމް ގިފްޓެއް ލިބޭނެއެވެ.
މިފަހަރުގެ ޔުއެފާ ޗެމްޕިއަންސްލީގް ފައިނަލް ބޭއްވުމަށް ހަމަޖެހިފައިވަނީ ޖަރުމަނުވިލާތުގެ މިއުނިކްގައެވެ.
މި ޕްރޮމޯޝަނުގައި މާސްޓާރކާޑް ޑެބިޓް، ކްރެޑިޓް އަދި ޕްރިޕެއިޑް ކާޑު ބޭނުންކޮށްގެން ރާއްޖެއާއި ރާއްޖެއިން ބޭރުގައި ކުރާ ހުރިހާ މުއާމަލާތްތަކެއް ހިމެނެއެވެ. ޕްރޮމޯޝަން ކުރިއަށްދާނީ އޭޕްރިލްމަހުގެ 9 ވަނަ ދުވަހުގެ ނިޔަލަށެވެ.
މާސްޓާރކާޑަކީ ޔުއެފާ ޗެމްޕިއަންސްލީގްގެ އޮފިޝަލް ސްޕޮންސަރެވެ. ބީއެމްއެލްއަކީ ރާއްޖޭގައި މާސްޓާރކާޑުގެ ޕްރިންސިޕަލް މެމްބަރަށްވާއިރު، އެ ބޭންކުން އަންނަނީ ރާއްޖޭގައި މާސްޓާކާޑުގެ ޑެބިޓް، ކްރެޑިޓް އަދި ޕްރީޕެއިޑް ކާޑު ދޫކުރަމުންނެވެ.
Advertisement
This content is created and paid for by advertisers and does not involve Voice Journalists
