އދ. ހަންޏާމީދޫ ކަލާފާނު ޒިޔާރަތުގެ އާބާތުރަފިލުވައި ތަރައްޤީ ކުރުމުގެ އެއްބަސްވުމުގައި، ދިވެހި ސަގާފަތާއި ތަރިކައާއި ބެހޭ ވުޒާރާ އާއެކު އާރްޑީސީން ސޮއިކޮށްފިއެވެ.
މި އެއްބަސްވުމުގައި ދިވެހި ސަގާފަތާއި ތަރިކައާއި ބެހޭ ވުޒާރާގެ ފަރާތުން ސޮއި ކުރެއްވީ ވަޒީރު އާދަމް ނަސީރު އިބްރާހިމެވެ. އާރްޑީސީގެ ފަރާތުން ސޮއި ކުރެއްްވީ އެ ކުންފުނީގެ މެނޭޖިން ޑިރެކްޓަރު އަލީ ޒުހައިރެވެ.
މިނިސްޓްރީން މައުލޫމާތު ދީފައިވާ ގޮތުގައި އާރްޑީސީއާ ހަވާލުކޮށްފައިވަނީ އެ ޒިޔާރަތުގެ އާބާތުރަ ފިލުވުމުގެ ފުރަތަމަ ފިޔަވަހީގެ މަސައްކަތެވެ.
އދ. ހަންޏާމީދޫގައި ހުންނަ، ބޮޑު ތަކުރުފާނުގެ ދަރިކަލުން، ކަލާފާނު ރަސްގެފާނުގެ ޒިޔާރަތް ތަރައްގީ ކުރުމަކީ ރައީސުލްޖުމްހޫރިއްޔާ ޑރ މުހައްމަދު މުޢިއްޒުގެ ރިޔާސީ ވަޢުދުފުޅެކެވެ.
ކަލާފާނު ރަސްގެފާނު އަވަހާރަކޮށްލެވުނީ 1017 ވަނަ އަހަރުގެ ޝައްވާލު މަހުގެ 28 ވީ ބުދަ ދުވަހު އެވެ. ފަސްދާނު ލެވިފައިވަނީ އދ. ހަންޏާމީދޫ ގައެވެ. ކަލާފާނު ޒިޔާރަތަކީ ކަލާފާނުގެ މަހާނައިގައި ހެދިފައިވާ ޒިޔާރަތެވެ.
ކަލާފާނު ރަސްކަން ކުރެއްވީ 24 އަހަރާއި 2 މަސް ދުވަހު އެވެ.
Advertisement
This content is created and paid for by advertisers and does not involve Voice Journalists
