މިއަހަރުގެ މިހާތަނަށް ދިވެހިރާއްޖެއަށް 5 ލައްކަށްވުރެ ގިނަ ފަތުރުވެރިން ޒިޔާރަތްކޮށްފިއެވެ.

ޓޫރިޒަމް މިނިސްޓްރީން ނެރެ އާއްމުކޮށްފައިވާ ތަފާސްހިސާބަށް ބަލާއިރު، މިހިނގާ މާރޗްމަހުގެ 11 ވަނަ ދުވަހުގެ ނިޔަަލަށް ރާއްޖެއަށް ވަނީ، 500,233 ފަތުރުވެރިން ޒިޔާރަތްކޮށްފައެވެ. މިއީ މިދިޔަ އަހަރުގެ މިމުއްދަތާ އަޅާބަލާއިރު، 4.6 އިންސައްތަ އިތުރުވުމެކެވެ. މިދިޔަ އަހަރުގެ މި މުއްދަތުގެ ތެރޭގައި 478,416 ފަތުރުވެރިން ޒިޔާރަތްކުރިއިރު، އޭގެ ކުރީ އަހަރުގެ މި މުއްދަތުގެ ތެރޭގައި 417,079 ފަތުރުވެރިން ޒިޔާރަތްކުރިއެވެ.

ތަފާސްހިސާބުތަކުން ދައްކާގޮތުގައި މިއަހަރުގެ މިހާހިސާބަށް އާއިރު ޖުމްލަ ގޮތެއްގައި މަހެއްގެ ތެރޭގައި ރާއްޖެއަށް ޒިޔާރަތްކުރާ ފަތުރުވެރިންގެ އަދަދު ވަނީ އިތުރުވެފައެވެ. މިގޮތުން ޖެނުއަރީމަހު 214,863 ފަތުރުވެރިން ޒިޔާރަތްކުރިއިރު ފެބުރުއަރީމަހުގެ ތެރޭގައި ވަނީ 214,091 ފަތުރުވެރިން ޒިޔާރަތްކޮސްފައެވެ. އަދި މާރޗްމަހުގެ ފުރަތަމަ 11 ދުވަހުގެ ތެރޭގައި ވަނީ 71,279 ފަތުރުވެރިން ޒިޔާރަތްކޮށްފައެވެ.

ޗައިނާ: 63,478

އިނގިރޭސިވިލާތް:  50,773

ރަޝިއާ: 50,620

އިޓަލީ: 47,566

ޖަރުމަނުވިލާތް:  33,045

މީގެ އިތުރުން ދެން އެންމެ ގިނައިން ފަތުރުވެރިން ޒިޔާރަތްކުރި ޤައުމުތަކުގެ ތެރޭގައި ހިމެނެނީ، އިންޑިއާ، ފްރާންސް، އެމެރިކާ، ޕޮލެންޑް އަދި ސްވިޒަރލެންޑެވެ.