މި އަހަރުގެ ރޯދަމަހުގެ ފުރަތަމަ 10 ދުވަހު ފިތުރު ޒަކާތުގެ ގޮތުގައި 2.91 މިލިއަން ރުފިޔާ ލިބިފައިވާ ކަމަށާ މިއީ މިދިޔަ އަހަރާ އަޅައިބަލާއިރު 81 އިންސައްތަ އިތުރު އަދަދެއް ކަމަށް މޯލްޑިވްސް ޒަކާތު ހައުސްގެ ތަފާސްހިސާބުތަކުން ދައްކައިފިއެވެ.
ޒަކާތު ހައުސްއިން 2021އިން ފެށިގެން މި އަހަރާ ހަމައަށް، ކޮންމެ ރޯދަމަހެއްގެ ފުރަތަމަ 10 ދުވަހު އޮންލައިންކޮށާއި ޒަކާތު ހައުސްގެ ކައުންޓަރުތަކުން ބަލައިގެންފައިވާ ޒަކާތުގެ ތަފާސްހިސާބު މީސްމީޑިއާގައި އާންމުކޮށްފައިވާއިރު، ނިމިދިޔަ އަހަރުގެ އެ މުއްދަތުގައި ދައްކާފައިވަނީ 1.60 މިލިއަން ރުފިޔާއެވެ. އެހެންކަމުން، މިދިޔަ އަހަރާއި އަޅައިބަލާއިރު މިއަހަރު އެ މުއްދަތުގައި 1.31 މިލިއަން ރުފިޔާ އިތުރަށް ވަނީ ލިބުފައެވެ. މިއީ 81.98 އިންސައްތައިގެ އިތުރުވުމެކެވެ.
މީގެ އިތުރުން، ޒަކާތު ހައުސްގެ ތަފާސް ހިސާބުތައް ދައްކާގޮތުން، ދެހާސް ތޭވީސް ވަނަ އަހަރުގެ އެ މުއްދަތުގައި ޒަކާތުގެ ގޮތުގައި ދައްކާފައި ވަނީ 1.39 މިލިއަން ރުފިޔާއެވެ. އަދި 2022 ވަނަ އަހަރު އެ މުއްދަތުގައި 1.09 މިލިއަން ރުފިޔާ ޒަކާތުގެ ގޮތުގައި ދައްކާފައި ވާއިރު 2021 ވަނަ އަހަރު ދައްކާފައި ވަނީ 977،301 ރުފިޔާއެވެ.
މިމަހު 1 ވަނަ ދުވަހުން ފެށިގެން ރަމަޟާން މަހުގެ 27 ވަނަ ދުވަހުގެ ނިޔަލަށް މާލެއާއި އަތޮޅުތަކުގައި ފިތުރު ޒަކާތް ބަލައިގަންނަމުންދާއިރު، އޮންލައިންކޮށް ޒަކާތް ދެއްކުމުގެ ފުރުސަތު އެކި ޕްލެޓްފޯމް ތަކުން ވަނީ ހުޅުވާލާފައެވެ.
އެގޮތުން އޮންލައިން ކޮށް ޒަކާތް ދެއްކޭ ޕްލެޓްފޯމް ތަކަކީ؛
* އުރީދޫ އެމްފައިސާަ އަދި އެސްއެމްއެސް މެދުވެރިކޮށް
* ބަނޑޭރި ޕޯޓަލްޮ
* ބީއެމްއެލް ވެބްސައިޓުން
https://zakaaiy.bankofmaldives.com.mv/
* ފަހިޕޭ އެޕްލިކޭޝަން
* މޯލްޑިވްސް އިސްލާމިކް ބޭންކު
https://faisanet.mib.com.mv/charity/pay?rt=Fitr%20Zakat&campaignId=1
* ދިރާގުޕޭ ވެބްސައިޓް އަދި އެސްއެމްއެސް މެދުވެރިކޮށް
ފިތުރު ޒަކާތުގެ ގޮތުގައި ނެރެންޖެހޭ ބާވަތްތަކާއި އަގުތައް:
– އާދައިގެ ހަނޑޫ: މީހަކަށް 12 ރުފިޔާ.
– ތައިލެންޑް ހުދު ހަނޑޫ: މީހަކަށް 62 ރުފިޔާ.
– ރަތް ހަނޑޫ: މީހަކަށް 86 ރުފިޔާ.
– އާދައިގެ ބާސްމަތީ ހަނޑޫ: މީހަކަށް 74 ރުފިޔާ.
– މޮޅު ބާސްމަތީ ހަނޑޫ: މީހަކަށް 100 ރުފިޔާ.
– އެންމެ މޮޅު ބާސްމަތީ ހަނޑޫ: 133 ރުފިޔާ.
– އާދައިގެ ފުށް: މީހަކަށް 10 ރުފިޔާ.
– އާޓާ ފުށް: 75 ރުފިޔާ.
ފިޠުރު ޒަކާތުގެ ގޮތުގައި ނެރޭނީ އަހަރު ތެރޭގައި އެރަށެއްގައި ބަނޑު ކެއުމުގެ ގޮތުގައި އާންމުކޮށް ކައިއުޅުނު ބާވަތަކުން 2.4 ކިލޯ އެވެ. ނުވަތަ ކިލޯއަށްވާ ފައިސާއެވެ.
Advertisement
This content is created and paid for by advertisers and does not involve Voice Journalists
