މިއަދު ވޮއިސްގެ ބަދިގެއިން މި ގެނެސްދެނީ ވަރަށް މީރުކޮށް ޗިކަންބަންސް ތައްޔާރު ކޮށްލާނެ ގޮތެވެ. ކިޔުންތެރިންނަށް ކަމުދާނެ ކަމަށް އުއްމީދު ކުރަމެވެ. 

1 1/2 ޖޯޑު ފުށް

2 ސައި ސަމުސާ ޔީސްޓް

1 ސައި ސަމުސާ ހަކުރު

1 މޭޒުމަތީ ސަމުސާ ތެޔޮ

10 ގުރާމު ބަޓަރ

ފެން

ލޮނު

1) ފުށުގެ ތެރެއަށް ހުރިހާ އެއްޗެއް އަޅައިގެން މޮޑެލާށެވެ. އަތުން މޮޑޭނަމަ، ބަޓަރ އެއްކުރާނީ ފަހުންނެވެ.

2) އެއަށްފަހު މަތި ޖެހި އެއްޗެއްގައި 30 މިނެޓް ވަންދެން ފުށްގަނޑު ރަނގަޅަށް ފުފެންދެން ބާއްވާށެވެ.

1 ފިޔާ ( ތުނިކޮށް ކޮށާފައި)

1 ޖޯޑު ކުކުޅު މަސް (ކުދިކޮށް ކޮށާފައި)

1 ސައި ސަމުސާ މުގުރި އަސޭމިރުސް 

3 ލޮނުމެދު ( ކުދިކޮށް ކޮށާފައި)

1 ސައި ސަމުސާ މުގުރުރި މިރުސް

1 ގިތެޔޮ މިރުސް (ކުދިކޮށް ކޮށާފައި)

1 ހިކަނދިފަތް

ތެޔޮ (މަސް ދަޅުގެ ތެޔޮ)

ލޮނު (ނޫޑްލްސް ސޫޕް ޕެކެޓް) 

1/2 ސައި ސަމުސާ އިނގުރު ޕޭސްޓް

1 ސައި ސަމުސާ ޓޮމާޓޯ ޕޭސްޓް 

1 ސައިސަމުސާ ކުކުޅު ހަވާދު ( ޕެކެޓް/ހިކި ހަވާދު)

ކުޑަ ފެންފޮދެއް

1 ބިސް ( ބަނަހުގެ މަތީގައި އުނގުޅަން)

1) ތެއްޔަށް ތެޔޮ ފޮދު އަޅާފައި ތެޔޮ ހޫނު ވުމުން ލޮނުމެދު ކޮޅު އަޅާލާށެވެ. ކުޑަކޮށް ލޮނުމެދު ފްރައި ވުމުން ފިޔާ ކޮޅާއި ގިތެޔޮ މިރުހާއި، ހިކަނދިފަތް ކޮޅު، ނޫޑްލްސް ސޫޕް، ކުކުޅު އަދި އިނގުރު ޕޭސްޓް އަޅާލައިގެން މަޑު ގިނީގައި ކުކުޅުކޮޅުގެ ރޯ ފިލުވާލަންދެން ކައްކާށެވެ. 

2) ކުކުޅު ކޮޅު ރޯ ފިލައި ކުޑަކޮށް ރަންމުށި ކުލަ އެރުމުން ހަވާދު، މުގުރި މިރުސް، އަސޭމިރުސް، ޓޮމާޓޯޕޭސްޓް އަދި ފެންފޮދު އަޅައި 5 މިނެޓް ވަންދެން ކައްކާލާފައި އުނދުން ނިއްވާލާށެވެ.

4) ބަން ހެދުމަށް، ކުރިން މޮޑެފައި ބެހެއްޓި ފުށްގަނޑުން ގުޅަ ހެދުމަށްފަހު އޭތި ކުޑަކޮށް ދަމާލާފައި އޭގެ ތެރެއަށް ކުކުޅު މަސް އަޅައި ހުރިހާ ދިމާއަކުން ބައްދާލުމަށްފަހު، ތިނެސްކަން ބަށްޓަމަށް، ނޫނީ ބަނަސް ހުންނަ ގޮތަށް ވަށްކޮށް ހަދާލާށެވެ. 

5) ދެން އޭގެ މަތީގައި ރޯ ބިސް ހާކައި ފިހެލާށެވެ. އަވަނުގެ ހޫނުމިން ބަހައްޓާނީ 250 ޑިގްރީ ސެލްސިއަސް ގައެވެ. 15 ވަރަކަށް މިނެޓުން ފިހެވޭނެއެވެ.