‏އެތައް މިލިއަން ރުފިޔާ ޚަރަދުކޮށް މަޖިލީހަށް ވަންނަ ތަނުން މުސާރަ ކުޑަކޮށްލުމުން އިިންތިޚާބަށް ނެގިދަރަނި އަދާކުރާނެ ގޮތެއް ނޯންނާނެ ކަމަަށް ޕީއެންސީގެ ޕީޖީ ގުރޫޕްގެ ލީޑަރު އިބްރާހިމް ފަލާހު ވިދާޅުވެއްޖެ އެވެ.

އޭނާ މިހެން ވިދާޅުވީ ރައްޔިތުންގެ މަޖިލިސް މެންބަރުންނަށް ލިބޭ މުސާރައާއި ބައެއް އިނާޔަތްތައް ކުޑަކުރަން ގޮވާލައި އޮންލައިން ޕެޓިޝަނެއްގައި ސޮއިކުރަން ފެށުމާއި ގުޅިގެންނެވެ.

އެކަމަށް އިޝާރާތް ކުރައްވާ ފަލާހް ވިދާޅުވީ އެއީ ގޯސް ޚިޔާލެއްނޫން ނަމަވެސް 19ވަނަ މަޖިލީހުގެ ސުޕަރމެޖޯރިޓީ އެމްޑީޕީއަށް އޮއިތް މަޖިލީހުގެ ދައުރު ނިންމާޅީ މެމްބަރެއްގެ މުސާރަ 100،000 ރުފިޔާއަށް ބޮޑުކުރުމަށް ނިންމުމަށް ފަހު ކަމަށެވެ.

Advertisement

ފަލާހު ވިދާޅުވީ އެމައްސަލާގައި ކަމާގުޅުންހުރި ކޮމިޓީ އިންފާސްކުރުމަށް ފަހު އެކަން އެގޮތަށް ނުކުރަން އިރުޝާދުދެއްވީ ރައީސް މުޢިއްޒު ކަމަށެވެ.

“ހަމަ އެއާއި އެކު އަޅުގަނޑުގެ ވިސްނުން ދަންނަވަން މަޖިލީސް މެމްބަރުންގެ މުސާރައަށް ބަދަލުގެނައުން ރަނގަޅީ މަޖިލީސް ދައުރެއްނިމި އާދައުރެއްގެ އިންތިޚާބަށް،”

އެކަމުގެ ސަބަބަކީ އެތައް މިލިއަން ރުފިޔާ ޚަރަދުކޮށް މަޖިލީހަށް ވަންނަ ތަނުން މުސާރަ ކުޑަކޮށްލުމުން އިިންތިޚާބަށް ނެގިދަރަނި އަދާކުރާނެ ގޮތެއް ނޯންނާނެތީ ކަމަށް އޭނާ ވިދާޅުވި އެވެ.

އަދި ވިދާޅުވީ އަލަށް 21ވަނަ މަޖިލީހަށް މެމްބަރަކަށް 5000 ރުފިޔާ ކަނޑައެޅި ނަމަވެސް އެ އެމުސާރަ ކުރިމަތިލާ މެމްބަރުންނަކަށް ރަނގަޅު ވާނެ ކަމަށާ އެކަމާ ޝަކުވާކުރެވެން ނޯންނާނެ ކަމަށެވެ.

“ހަމަ އެއާއިއެކު ކުރީގެ ރަޢީސުންގެ އިނާުަޔަތާމެދުވެސް ވިސްނާލުން މުހިއްމު. ފަނޑިޔާރުންގެ ނަންވެސް ޕެޓިޝަނުގަ ޖަހާލިނަމަ ސަޅިވިސް. އަދި ތަފާތު ދައްކަވާ އަދުގެ ޢިއްޒައިތްތެރި ރަޢީސް ރަޢީސް މުޢިއްޒު މުސާރައިގެ ދެބައިކުޅަ އެއްބައި ނަންގަވާ ކޮށްމެ ކަމެއްގަވެސް ނަމޫނާ ދައްކަވާތި ރަޢީސް އަށް ޚާއްސަ ޝުކުރެއް ދަންނަވަން،” ފަލާހު ކުރެއްވި ޓްވީޓްގައި ވިދާޅުވި އެވެ.