ބޭންކް އޮފް މޯލްޑިވްސްއިން ދެމުންގެންދާ ބައެއް ހިދުމަތްތައް މިރޭ މެންދަމުން ފެށިގެން މާދަމާގެ ހެނދުނާ ހަމަޔަށް މެދުކެނޑޭނޭކަމަށް އެ ބޭންކުން ބުނެފިއެވެ.

ބީއެމްއެލުން ބުނީ، އެ ބޭންކުން ދެމުންގެންދާ ހިދުމަތްތަކުގެ ފެންވަރު ރަނގަޅުކުރުމުގެ ގޮތުން މަސައްކަތެއް ކުރުމަށްޓަކައި މިރޭ އެ ބޭންކުން ދެމުން އަންނަ ކާޑުގެ ހިދުމަތްތައް މެންދަމު 02:00 އިން ފެށިގެން ހެނދުނު 08:00 ގެ ނިޔަލަށް މެދުކެނޑޭނޭކަމަށެވެ. އެގޮތުން ކާޑުގެ ހިދުމަތް މެދުކެނޑޭ އެ ވަގުތުތަކުގައި އޭޓިއެމް ހިދުމަތާއި، ޕީއޯއެސް މެޝިނުގެ އިތުރުން ޕޭމަންޓް ގޭތްވޭ މެދުވެރިކޮށް ދެވޭ ހިދުމަތް މެދުކެނޑުމަކަށް އަންނާނޭކަމަށް ބީއެމްއެލުން ބުނެއެވެ.

މީގެ އިތުރުން ބީއެމްއެލުން ބުނީ މާދަމާ ހެނދުނު 6 ކުން ފެށިގެން ހެނދުނު 10 އެއް ޖެހުމާ ހަމަޔަށް ގަޑިއިރަކަށް އިންޓަރނެޓް ބޭންކިން ހިދުމަތާއި، މޯބައިލް ބޭންކިންގެ އިތުރުން ފަވާރާގެ ހިދުމަތްވެސް މެދުކެނޑޭނޭކަމަށެވެ. 

ބީއެމްއެލުން ވަނީ އެގަޑިތަކުގައި ހިދުމަތް މެދުކަނޑި ދިމާވެދާނެ ދަތިތަކަށް ކަސްޓަމަރުންގެ ކިބައިން ނިހާޔަތަށް މައާފަށް އެދިފައެވެ. ބޭންކް ތަކުގެ ހިދުމަތުގެ ފެންވަރު ރަނގަޅުކުރުމުގެ ގޮތުން ދޭތެރެއަކުން ހިދުމަތްތައް މެދުކަނޑާލުމަކީ ހުރިހ ބޭންކަކުންވެސް ކުރަމުން އަންނަ ކަމެކެވެ.