ހދ. ކުޅުދުއްފުށީ ޕޮލިސް ކަސްޓޯޑިއަލްގައި ބަންދުގައި ހުރެ ދަންޖެހުނު ޒުވާނާ މަރުވެއްޖެ އެވެ.

ކުޅުދުއްފުށީ ޕޮލިސް ކަސްޓޯޑިއަލްގައި ހުރި މީހަކު އަމިއްލައަށް މަރުވާން މަސައްކަތް ކޮށްފައިވާ ކަމަށާ އެ މީހާއަށް ކުޅުދުއްފުށި ރީޖަނަލް ހޮސްޕިޓަލްގައި ފަރުވާ ދެމުންދާ ކަމަށް ފުލުހުން ބުނީ މި މަހުގެ ހަތަރުވަނަ ދުވަހުގެ ރެ އެވެ.

ކުޅުދުއްފުށީ ހޮސްޕިޓަލުން ބުނީ އެ މީހާ މިއަދު މެންދުރު ފަހު މަރުވެފައިވާ ކަމަށެވެ.

Advertisement

އެ މީހާއަކީ މަސްތުގެ ހާލުގައި ހުރެގެން ގޭގެ މުދަލަށް ގެއްލުން ދިން މައްސަލައަކާ ގުޅިގެން މި މަހުގެ ދެވަނަ ދުވަހު ހައްޔަރު ކުރި މީހެކެވެ. އެއީ 35 އަހަރުގެ ދިވެއްސެއް ކަމަށް ފުލުހުން ބުންޏެވެ.

ފުލުހުން ބުނީ މި ހާދިސާއާ ގުޅިގެން އެތެރޭގެ ތަހުގީގެއް ހާއްސަ އިސްކަމެއް ދީގެން ފަށާފައިވާ ކަމަށެވެ. ނަމަވެސް އެ ކަމުގެ ތަފްސީލެއް ފަހުން ނުދެ އެވެ.

މީގެ ކުރީން ވެސް ހދ. ކުޅުދުއްފުށީ ޕޮލިސް ކަސްޓޯޑިއަލްގައި ހުރި މީހަކު އަމިއްލައަށް މަރުވާން އުޅުނެވެ. ފަރުވާ ދެނިކޮށް އެ މީހާ މަރުވީ އެވެ. އޭނާ އަކީ އޭނާގެ އަންހެނުންގެ މަރާއި ގުޅިގެން ހައްޔަރު ކޮށްފައި ހުރި މީހެކެވެ.