ކުޑަކުއްޖަކަށް ޖިންސީ ގުނަވަން ދެއްކި ކަމަށް ބުނާ މައްސަލާގައި އެކަށީގެންވާ އެއްވެސް ހެއްކެތް ނެތް ލިބިފައި ނުވާ ކަމަށް ފުލުހުން ބުނެފި އެވެ.

މިއީ ޖަނަވަރީ 22, 2022 ގައި ހިނގި ކަމަށް ބުނެ ހުށައަޅާފައިވާ މައްސަލަ އެކެވެ. ހާދިސީ ހިނގި ކަމަށް ބުނަނީ ސައުތު ސެންޓްރަލް ޕޮލިސް ގައި ހިމެނޭ ރަށެެއްގަ އެވެ.

އެ މައްސަލައިގެ މައުލޫމާތު ހިއްސާކޮށް ފުލުހުން މިއަދު ބުނީ މައްސަލައިގެ ތަހުގީގު ގައި ތުހުމަތު ކުރެވޭ މީހާގެ ފޯނާއި ލެޕްޓޮޕް ފުލުހުންގެ ބެލުމުގެ ދަށަށް ގެނެސް ފޮރެންސިކް ތަހުލީލު ކޮށްފައިވާ ކަމަށެވެ. އަދި ހަ މީހެއްގެ ބަޔާނާއި ހެކިބަސް އަދި ދެ މީހެއްގެ ބަޔާން ނަގާފައިވާ ކަމަށެވެ.

Advertisement

ނަމަވެސް ކުއްޖާ ބުނާ ބުނުން ފިޔަވާ މި މައްސަލާއާ ގުޅުންހުރި އަދި ކުރާ ތުހުމަތުތަކަށް ބާރު ލިބޭ އެއްވެސް ހެއްކެއް ނުވަތަ ގަރީނާއެއް ވެސް ލިބިފައި ނެތް ކަމަށެވެ. ކުއްޖާގެ ފޯނަށް އެ މީހާ ފޮނުވި ކަމަށް ބުނާ މެސެޖުތަކާއި ގުޅިގެން ކުއްޖާގެ ފޯނު ވެސް ބަލާފައިވާ ކަމަށާ ނަމަވެސް ކުއްޖާގެ ފޯނުން ވެސް އެފަދަ ހެއްކެއް ފެނިފައި ނެތް ކަމަށެވެ.

މި މައްސަލަ ފުރިހަމަ ކުރުމަށް ޕީޖީން އެންގުމުން އެ މަަަސައްކަތް ކުރަމުންދާ ކަމަށާ ނަމަވެސްް މައްސަލަ ހުށައެޅި ފަރާތުން މިހާރު އެއްބާރުލުން ލިބެމުން ނުދާތީ އެކަން ކުރެވިފައި ނުވާ ކަމަށް ވެސް ފުލުހުން ބުންޏެވެ.