ހެޔޮއެދޭ ފަރާތެއްގެ ހަރަދުގައި ފޭސް ދޭއްގައި ބޮޑު މިސްކިތެއް އަޅަން ނިންމައިފި އެވެ.
އިސްލާމިކް މިނިސްޓްރީން މިއަދު ވަނީ އެ މިސްކިތް ބިނާކުރުމުގެ އެއްބަސްވުމުގައި ސޮއިކޮށްފަ އެވެ. އިސްލާމިކް މިނިސްޓްރީގެ ފަރާތުން ސޮއިކުރެއްވީ މިނިސްޓަރު ޑރ. މުހައްމަދު ޝަހީމް އަލީ ސައީދެވެ. އެޗްޑީސީގެ ފަރާތުން ސޮއިކުރެއްވީ މެނޭޖިން ޑިރެކްޓަރު ޑރ. މައުރޫފް ޖަމީލް އެވެ.
މިނިސްޓްރީން ބުނީ މިސްކިތް ބިނާކުރަނީ ހެޔޮއެދޭ އަމިއްލަ ފަރާތަކުން ޚަރަދުކޮށްގެން ކަމަށެވެ. ކޮންޓްރެކްޓަރެއް ހަމަޖައްސާނީ ވެސް އެފަރާތުން ކަމަށް ބުންޏެވެ.
މިއީ ބޮޑު މިސްކިތެކެވެ. އެއް ފަހަރާ 2500 – 3000 މީހުންނަށް ނަމާދު ކުރެވޭނެ އެވެ.
ހެޔޮއެދޭ ފަރާތެއްގެ ހަރަދުގައި ފޭސް ދޭއްގައި ބޮޑު މިސްކިތެއް އަޅަން ނިންމުން
އިސްލާމިކް މިނިސްޓްރީން ބުނީ ބިން ހަވާލުކުރާ ތާރީޚުން ފެށިގެން ދެ އަހަރުގެ ތެރޭގައި މިސްކިތް އިމާރާތްކޮށް ނިންމަން ކަނޑައަޅާފައިވާ ކަމަށެވެ.
ހުޅުމާލެ ގައި މިހާރުވެސް މިސްކިތްތަކެއް ބިނާކުރަމުން ދެ އެވެ. ނަމަވެސް ބައެއް މިސްކިތްތައް ނުނިމި ވަރަށް ބޮޑަށް ދިގުލައިގެން ގޮސްފައިވެ އެވެ.
މިނިސްޓްރީން މިއަދު ވަނީ މިހާރު ހުޅުމާލޭގައި އަޅަމުންދާ ދާއިމީ މިސްކިތަކުގެ ތެރެއިން ބައެއް މިސްކިތްތައް މި އަހަރު ނިންމާ ހުޅުވޭނެ ކަމަށް ބުނެފަ އެވެ.
Advertisement
This content is created and paid for by advertisers and does not involve Voice Journalists
