މަސްތުވާތަކެތީގެ ވަބާއިން މިންޖުވެފައިވާ ފަރާތްތަކަށް، އެ ވަބާގައި ޖެހިފައިވާ އެހެން މީހުން މަސްތުން ސަލާމަތްކުރުމަށް އެހީތެރިވުމުގެ ފުރުޞަތު ހުޅުވާލައިފިއެވެ.
ނޭޝަނަލް ޑްރަގް އެޖެންސީ (އެންޑީއޭ) އިން މަޢުލޫމާތު ދިން ގޮތުގައި، މަސްތުވާތަކެތީގެ ފަރުވާ ހޯދަމުންދާ ފަރާތްތަކަށް އެހީތެރިކަން ފޯރުކޮށްދިނުމަށް، ހިލޭސާބަހަށް މަސައްކަތްކުރާނެ 30 މީހުން ހޯދުމަށް ވަނީ ނިންމާފައެވެ.
މި ފުރުޞަތަށް ކުރިމަތިލާ ފަރާތްތަކުގައި ހުންނަންޖެހޭ ޝަރުޠުތަކުގެ ތެރޭގައި
* ގްރޭޑް 7 ފުރިހަމަކޮށްފައިވާވުން
* މަސްތުވާތަކެތީގެ ފަރުވާއެއް ފުރިހަމަކޮށް މަސްތުން ސާފުވެފައިވާ މީހަކަށްވުން
އެންޑީއޭ އިން އިތުރަށް ހާމަކުރެއްވި ގޮތުގައި، މި މަސައްކަތަށް ޝައުޤުވެރިވާ ފަރާތްތަކުން ސީވީއާއެކު ސިޓީއެއް އެ އެޖެންސީގެ އީމެއިލް އެޑްރެހަށް ފޮނުވުމަށް ފޮނުވޭނެ ކަމަށެވެ.
މި ޕްރޮގްރާމް ހިންގުމަށް ހަމަޖެހިފައިވަނީ އެންޑީއޭގެ އިތުރުން، ކ. ހިންމަފުށީގައި ޤާއިމުކޮށްފައިވާ ޑްރަގް ޓްރީޓްމަންޓް އެންޑް ރިހެބިލިޓޭޝަން ސެންޓަރު، ހުޅުމާލޭގެ ހާފްވޭ ހައުސް، ދަގެނާ، ސ. ހުޅުދޫގެ ވިލުނު ސެންޓަރު، އަދި ގދ. ތިނަދޫ، ސ. ހިތަދޫ އަދި ޏ. ފުވައްމުލަކުގައި ޤާއިމުކޮށްފައިވާ ޑްރަގް ޑިޓޮކްސިފިކޭޝަން އެންޑް ކޮމިއުނިޓީ ރިހެބިލިޓޭޝަން ސެންޓަރުތައް ހިމެނެއެވެ.
Advertisement
This content is created and paid for by advertisers and does not involve Voice Journalists
