ފަލަސްތީނުގެ ބިމަށް ގަދަކަމުން ވަޒަންވެރިވެގެންފައިވާ އިސްރާއީލު ޖަމާޢަތުގެ ސެޓްލްމަންޓްސް އަދި ނޭޝަނަލް މިޝަންސްގެ މިނިސްޓަރު އޯރިޓް ސްޓްރޫކްއަށް އޭނާގެ އަންހެން ދަރިފުޅު ޝޮޝާނާ ސްޓްރޫކް ސީރިއަސް ތުހުމަތުތަކެއް ކޮށްފިއެވެ.
ސޯޝަލް މީޑިއާގައި ޝާއިޢުކުރި ބަޔާނެއްގައި ޝޮޝާނާ ވަނީ މި މައްސަލަ ހުށަހަޅާފައިވާ ކަން ހާމަކޮށްފައެވެ.
"ވަރަށް ދުވަހު ކެތްކުރިން. ނަފްސާނީ އެތައް އަނިޔާއެއް ތަހަންމަލްކުރިން. އަމިއްލ ނަފްސު ކުށްވެރި ކުރިން. އެކަމަކު ދެން ނުހުންނާނަން. އަހަރެންގެ މައިންބަފައިންނާއި އަހަރެންގެ ބޭބެއެއް އަހަރެންނަށް ޖިންސީ ގޯނާކުރި ކަން ހިއްސާކުރަން ބޭނުންވޭ،" އޭނާ ލިޔުނެވެ.
މީގެ އިތުރުން އޭނާގެ ތިން ކޮއްކޮއިންނަށްވެސް ޖިސްމާނީ އަނިޔާ ލިބިފައިވާ ކަމަށް އޭނާ ބުނެފައިވެއެވެ.
"އަހަރެންނަށް އިންސާފު ބޭނުންވޭ." ޝޮޝާނާ ބުނެފައިވެއެވެ.
މިއީ ސްޓްރޫކް ޢާއިލާއަށް މިފަދަ ތުހުމަތެއްވި ފުރަތަމަ ފަހަރެއް ނޫނެވެ. 2007 ގައި، ސްޓްރޫކްގެ ފިރިހެން ދަރި ޒްވިކީ ސްޓްރޫކް ވަނީ ފަލަސްތީނުގެ ފުރާވަރު ފިރިހެން ކުއްޖަކަށް އަނިޔާވެރިވި މައްސަލައެއްގައި ކުށްވެރިވެފައެވެ.
މި މައްސަލާގައި އޭނާއަށް 30 މަސްދުވަހުގެ ޖަލު ޙުކުމެއް ކުރެވުނެވެ. ނަމަވެސް މި ޙުކުމާ ގުޅިގެން އޯރިޓް ސްޓްރޫކް ވަނީ އޭނާގެ ދަރިފުޅު ދިފާޢުކޮށްފައެވެ
ޝޮޝާނާއަށް ޖިންސީ ގޯނާ ކުރީ ކޮން ބޭބެއެއްކަން ސާފުކޮށް ބުނެފައި ނުވާތީ، ޒްވިކީއަކީ މި މައްސަލައިގައި ތުހުމަތު ކުރެވޭ ފަރާތްކަން ސާފެއް ނުވެއެވެ.
Advertisement
This content is created and paid for by advertisers and does not involve Voice Journalists
