ކުޑަކުއްޖަކަށް ޖިންސީ ގޯނާކުރި މީހެއްގެ މައްޗަށް ކުށް ސާބިތުވެ 54 އަހަރަށް ޖަލަށްލާން ހުޅުމާލޭ މެޖިސްޓްރޭޓް ކޯޓުން އިއްޔެ ހުކުމްކޮށްފި އެވެ.

51 އަހަރުގެ މި ފިރިހެން މީހާގެ މައްޗަށް ކުރެވުނީ، އިތުުބާރުކުރެވޭ މަގާމެއްގައި ހުރެ އަންހެން ކުއްޖަކާ މެދު އެކި ދުވަސް މަތިން ގަދަކަމުން ޖިންސީ އަމަލު ހިންގުމުގެ ތުހުމަތެވެ.

މި މައްސަލައާއި ގުޅިގެން އެ މީހާ 2022 ވަނަ އަހަރުގެ ސެޕްޓެމްބަރު މަހުގެ 3 ވަނަ ދުވަހު ހުޅުމާލޭ ދެވަނަ ފިޔަވަހިންނެވެ. އަދި މައްސަލައިގެ ތަހުގީގު ނިންމައި ޕީޖީ އޮފީހަށް ފޮނުވާފައިވަނީ 18 އޮކްޓޯބަރު 2022ގައި ކަމަށް ފުލުހުން ބުންޏެވެ

ފުލުހުން މިއަދު ބުނި ގޮތުގައި، އެ ފިރިހެން މީހާ ބަންދުގައި ތިން އަހަރު ހުރުމުން، ކޯޓުން ކުރި ހުކުމުން ދެން ތަންފީޒުކުރަން ޖެހެނީ 51 އަހަރުގެ ޖަލު ހުކުމެވެ.