މިދިޔަ ހުކުރު ދުވަހުގެ ފަތިހު ހެންވޭރުގެ ގެއަކުން 21 އަހަރުގެ ޒުވާން އަންހެނަކު ވެއްޓުނު ހާދިސާގައި, ފަހުވަގުތާ ޖެހެންދެން އޭނާއާއެކު އުޅުނު ފިރިހެން މީހާ، ރައުދު އަހުމަދު ޒިލާލު ހައްޔަރު ކުރަން ކޯޓު އަމުރަކަށް އެދެފި  އެވެ.

މިކަން ހާމަކޮށްފައިވަނީ ފުލުހުން މިއަދު ބޭއްވި ނޫސްވެރިންގެ ބައްދަލުވުމުގައެވެ. 

އެގޮތުން، ފުލުހުން ބުނި ގޮތުގައި، ހާދިސާގައި ހިމެނޭ އަންހެން މީހާ އާއި ރައުދު ވެސް ވަނީ ކެނަބިސް އަށް ޕޮޒިޓިވް ވެފައެވެ. އަދި އޭނާގެ ފޯނާއި ޕާސްޕޯޓް ވަނީ ކޯޓް އަމުރެއްގެ ދަށުން ފުލުހުންގެ ބެލުމުގެ ދަށަށް ގެނެސްފައެވެ. 

އަންހެން މީހާ ހޯދުމަށް ރައުދު މަސައްކަތް ކުރަމުންދާ މަންޒަރުގެ ސްނެޕް ޝޮޓެއް

ރައުދުގެ އިތުރުން މައްސަލާގައި ހިމެނޭ އެހެން އެންމެންގެ ވަނަވަރު އާއްމުކޮށް، އެމީހުންގެ ޕާސްޕޯޓް ފުލުހުން ވަނީ މިހާރު ހިފަހައްޓާފައެވެ. 

މައްސަލާގައި ހިމެނޭ މީހުން

މައްސަލާގައި ހިމެނޭ މީހުން

ފުލުހުން ބުނި ގޮތުގައި، އަންހެން މީހާ ވެއްޓުނު ހާދިސާ ހިނގީ އެރޭ ދަންވަރު 4:30 އާއި 5:00 އާ ދެމެދު އެވެ. އަދި އަންހެން މީހާ ވައްޓާލި ކަމުގެ އެއްވެސް ހެއްކެތް ލިބިފައެއް ނުވެ އެވެ.

އަންހެން މީހާ ފުރާޅު މައްޗަށް ވެއްޓިފައި އޮތްކަން ފުލުހަށް ރިޕޯޓް ކުރީ އާންމުންގެ މީހެކެވެ. އެ ރިޕޯޓް ލިބިފައި ވަނީ މި މަހުގެ 18 ވަނަ ދުވަހުގެ ހެނދުނު 7:23 ގައެވެ. އެމްއެންޑީއެފްގެ ރެސްކިއު ޓީމުގެ އެހީތެރިކަމާއެކު އަންހެން މީހާ ނެގިއިރު ވެސް ހަރަކާތް ހުރި ކަމަށް ފުލުހުން ބުނެ އެވެ.

އެއީ ކާކުކަން ދެނެގަތީ ފޭސް ރެކޮގްނިޝަން މެދުވެރިކޮށެވެ. ފުލުހަށް ހާދިސާގެ ރިޕޯޓް ލިބުނުތާ 30-45 މިނެޓާ ދެމެދު އެއީ ކާކުކަން ދެނެގެންފައިވެ އެވެ.