ތަފާތު އެކި ތުހުމަތުތަކުގައި “ވާނުވާ ބަންދު” ޖަހާ ޖަލުގައި ބަންދުގައި މީހުން ދޫކޮށްލަން ގޮވާލާ މިރޭ އިހުތިޖާޖު ކޮށްފި އެވެ.
ސުލްހަވެރި މި އިހްތިޖާޖު ކޮށްފައި ވަނީ ރާޅުގަނޑު ސަރަހައްދުގަ އެވެ.
ގިނަ ބަޔަކު ބައިވެރިވި އިހްތިޖާޖުގައި ބައިވެރީން ގޮވާލީ ތަފާތު އެކި ތުހުމަތުތައްކޮށް “ވާނުވާ ބަންދު” އުވާލާށެވެ. އަދި އެ ބަންދުގައި ޖަލުގައި ބަންދު ކޮށްފައިވާ މީހުން ދޫކޮށްލުމަށެވެ. ބައެއް މައްސަލަތައް ފާހަގަކޮށް އެ މީހުން ބުނީ އެއީ އުފައްދާފައިވާ އަސްލެއް ނެތް މައްސަލަތަކެއް ކަމަށެވެ.
އެފަދަ އަސްލެއް ނެތް މައްސަލަތަކުގައި ބައެއް މީހުން ވާނުވާ ބަންދުގައި ތިބޭތާ އެތައް އަހަރެއް ވެފައިވާ ކަމަށް ވެސް ބުނެފައިވެ އެވެ. އަދި މިއީ އެ މީހުންގެ އާއިލާތަކަށް ދެވޭ ވަރަށް ބޮޑު އަނިޔާއެއް ކަމަށް ބުނެފައިވެ އެވެ.
މިރޭގެ އިހްތިޖާޖު: ގޮވާލީ ވާނުވާ ބަންދު އުވާލަން
ބާރުވެރި މަގާމުތަކުގައި ތިއްބެވި ބޭފުޅުން އަނިޔާލިބިގެންވާ މީހުންގެ ދުއާއަށް ބިރުވެތިވެ އަނިޔާވެރިކަން ހުއްޓާލުމަށް ވެސް ގޮވާލާފައިވެ އެވެ.
މިރޭގެ އިހުތިޖާޖުގައި ވާނުވާ ބަންދުގައި ޖަލުގައި އެތައް އަހަރެއް ހޭދަކޮށްފައިވާ މިހާރު ވެސް ބަންދުގައި ތިބި ބައެއް މީހުންގެ ޅަ ދަރީން ވެސް ބައިވެރިވި އެވެ. އެ ކުދީން ވަނީ އެ ކުދީންގެ ބައްޕައިން ދޫކޮށްލުމަށް ގޮވާލާފަ އެވެ.
ވާނުވާ ބަންދު އުވާލުމަކީ ކޮންމެ ބަޔަކު ވެސް ކެމްޕެއިން ގައި ވަރަށް ހަރު އަޑުން ގޮވާލާ ގޮވާލުމެކެވެ. ނަމަވެސް ވެރިކަން ލިބުމުން އެކަން ތަންފީޒު ކުރުމުގައި ފަހަތަށް ޖެހެ އެވެ.
Advertisement
This content is created and paid for by advertisers and does not involve Voice Journalists
