ހުއްދަ ހޯދުމަކާ ނުލައި އެއްވެވޭނެ ތަންތަން އިތުރުކޮށް ގަވާއިދު އަލުން ގެޒެޓްކޮށްފި
ހުއްދަ ހޯދުމަކާ ނުލައި އެއްވެވޭނެ ތަންތަން އިތުރުކޮށް ގަވާއިދު އަލުން ގެޒެޓްކޮށްފި އެވެ.
މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީ އިން މިއަދު ގެޒެޓް ކުރި ގަވާއިދުގައި ބުނެފައި ވަނީ ސުލްހަވެރިކަމާއެކު އެއްވެއުޅުމުގެ މިނިވަންކަމުގެ ގާނޫނުގެ 24 ވަނަ މާއްދާގެ (ޅ) ގެ ދަށުން މިހާރު ކަނޑައަޅާފައިވަނީ އެންމެ ސަރަހައްދެއް ކަމުގައިވާތީ އެ ނިންމުމަށް ބަދަލު ގެނެސްފައިވާ ކަމަށެވެ.
އެގޮތުން މާލޭގައި ސުލްހަވެރިކަމާއެކު އެއްވެއުޅުމުގެ ފުރުސަތު އިތުރަށް ފަހިކުރުމުގެ ގޮތުން، ދިވެހި ފުލުހުންގެ ހިދުމަތުން ލިޔުމުން ދޭ ހުއްދައަކާއެކު ފިޔަވައި، ދިވެހިރާއްޖޭގެ ވެރިކަންކުރާ ރަށް ކަމުގައިވާ މާލޭގައި އެއްވެސް ބާވަތެއްގެ އެއްވުމެއް ނުވަތަ ހިނގާލުމެއް ނުވަތަ އުޅަނދުބުރެއް ބޭއްވޭނެ ސަރަހައްދުތަކުގެ ގޮތުގައި އިތުރު ތަންތަން ކަނޑައަޅާ އިއުލާނު ކުރާ ކަމަށެވެ.
އެގޮތުން މިހާރު ކަނޑައަޅާފައިވަނީ ހަތަރު ސަރަހައްދެކެވެ.
* ހެންވޭރު ކާނިވާ ސަރަހައްދު
* ރަސްފަންނު ސަރަހައްދު
* މާލޭ ހުޅަނގު ދެކުނު ހިއްކި ސަރަހައްދު (އިންޑަސްޓްރިއަލް ޒޯނުގެ ގޮތުގައި ކަނޑައެޅި)
* އުސްފަސްގަނޑު ސަރަހައްދު
ހުއްދަ ހޯދުމަކާ ނުލައި އެއްވެވޭނެ ތަންތަން ކަނޑައެޅީ ކުރީގެ ރައީސް ޔާމީންގެ ސަރުކާރުގަ އެވެ. އެ ގާާނޫނަށް ބަދަލު ގެންނަން ކުރީގެ ރައީސް ސޯލިހްގެ ސަރުކާރުން ވެސް ދެކޮޅު ހެދި އެވެ.
ބޭނުންވަގުތަކު ބޭނުން ތަނަކު މުޒާހަރާ ކުރުން ހުއްދަ ކުރަން އަބަދުވެސް ވަކާލާތު ކުރަނީ އެބަޔަކު އިދިކޮޅުގައި ތިބޭ ވަގުތު އެވެ.
Advertisement
This content is created and paid for by advertisers and does not involve Voice Journalists
