އައްޑޫ ސިޓީ މަރަދޫ އަދި މަރަދޫފޭދޫ އިން ދިރިއުޅުމަށްޓަކައި ބަންޑާރަ ގޯތި ބޭނުންވާ ފަރާތްތަކުން ގޯއްޗަށް އެދި ކުރިމަތިލުމުގެ ފުރުޞަތު ހުޅުވާލައިފިއެވެ.

އިއްޔެ އައްޑޫ ސިޓީ ކައުންސިލުން ކުރި އިއުލާނެއްގައިވާ ގޮތުން މަރަދޫފޭދޫ އިން ދޫކުރުމަށް ހަމަޖެހިފައިވަނީ 1500 އަކަފޫޓުގެ 76 ގޯއްޗެވެ. މި ގޯތިތައް ދޫކުރަނީ މަރަދޫފޭދޫގެ އަލަށް ހިއްކާފައިވާބިމުން، ލޭންޑް ޔޫސް ޕްލޭން ގައި ގޯތި ދޫކުރުމަށް ކަނޑައަޅާފައިވާ ސަރަޙައްދުން ކަމަށްވެސް ބުނެފައިވެއެވެ.

މަރަދޫފޭދޫ އަވަށުގައި ރަޖިސްޓްރީވެފައިވާ މީހުންނަށް 68 ގޯތީގެ

އައްޑޫ ސީޓީގެ އެހެން މީހުންނަށް 8 ގޯތި

މީގެ އިތުރުން މަރަދޫ އިން ދޫކުރުމަށް ހަމަޖެހިފައިވަނީ 1500 އަކަފޫޓުގެ 175 ގޯއްޗެވެ.

އެއީ މަރަދޫ އަވަށުގައި ރަޖިސްޓްރީވެފައިވާ މީހުންނަށް ދޫކުރާ 158 ގޯތީގެ އިތުރުން އައްޑޫ ސީޓީގެ އެހެން މީހުންނަށް ދޫކުރާ 17 ގޯތިދޫކުރުމަށް ހަމަޖެހިފައި ވާކަމަށް ކައުންސިލުން ވަނީ ބުނެފައެވެ.

އައްޑޫސިޓީ ކައުންސިލުން ވަނީ އެ ސިޓީ އިން ދިރިއުޅުމަށް ބަންޑާރަ ގޯތި ދުކުރުމުގެ އުސޫލު" ގައިވާ ޝަރުތުތައް ފުރިހަމަވާ ފަރާތްތަކުން "ދިރިއުޅުމަށްޓަކައި ދޫކުރާ ބަންޑާރަ ގޯއްޗަށް އެދޭ ފޯމު" ފުރިހަމަކޮށް، ފޯމާއެކު ހުށަހަޅަންޖެހޭތަކެތި ޖޫން 24، 2025 ވާ އަންގާރަ ދުވަހުގެ 13:00 ގެ ކުރިން ހުށަހެޅުމަކަށް އެދިފައެވެ.