މިއަހަރުގެ އޭޕްރީލް މަހުގެ ނިޔަލަށް ރާއްޖޭން ބޭރުން، 3،8،69،648 ގަސްގަހާއިގެއްސާއި، ގަހުގެ ބައިތައް ރާއްޖެ އެތެރެކޮށްފައިވާ ކަމަށް ދަނޑުވެރިކަމާއި ދިރޭތަކެއްޗާއި ބެހޭ ވުޒާރާ އިން ބުނެފި އެވެ.

ވުޒާރާގެ ތަފާސް ހިސާބުތަކުން ދައްކާގޮތުގައި މި މުއްދަތުގެ ތެރޭގައި ގަސްގަހާއި ގެއްސާއި ގަހުގެ ބައިތަކުގެ 405 ޝިޕްމެންޓް ވަނީ ރާއްޖެއަށް އެތެރެކޮށްފަ އެވެ.

މި ތަކެތީގެ ތެރެއިން ގަސްގަހާއިގެހި ރާއްޖެއެތެރެ ކުރުމަށް އޮންނަ ގަވައިދުތަކާއި ހިލާފަށް 37 ޝިޕްމެންޓް ވަނީ ރާއްޖެ އެތެރެކޮށްފައި ކަމަށާ އެއީ 4732 ގަސްގަހާގެއްސާއި ގަހުގެ ބައިތައް ކަމަށް ވުޒާރާ އިން ބުންޏެވެ.

މިގޮތަށް ގަވައިދާއި ހިލާފަށް އެތެރެކުރި ޝިޕްމެންޓެގެ ތެރެއިން ދެ ޝިޕްމެންޓެއް ވަނީ ލިޔެކިއުންތައް ހަމަކޮށްފަައި ކަމަށް ވެސް ބުންޏެވެ. އެއީ 324 ގަސްގަހާގެއްސާއި ގަހުގެ ބައިތަކެވެ. އަދި ތަކެތި ނައްތާލުމުގެ އުސޫލުގެ ތެރެއިން 35 ޝިޕްމެންޓްގެ ގަސްގަހާއިގެއްސާއި ގަހުގެ ބައިތައް ވަނީ ނައްތާލާފައިވާ ކަމަށެވެ. އެއީ 4408 ގަސްގަހާއިގެއްސާއި ގަހުގެ ބައިތަކެވެ. 

ރާއްޖެއިން ބޭރުން މިގޮތަށް ގަސްގަހާއިގެއްސާއި ގަހުގެ ބައިތައް އެތެރެކުރާއިރު، ގަވައިދުތަކާއި އުސޫލުތަކަށް ސަމާލުކަން ދިނުމަށް އެ ވުޒާރާ އިން އިލްތިމާސް ކުރެ އެވެ.