ވެމްކޯ މުވައްޒަފުންގެ ޕެންޝަން ފައިސާ ޖަމާނުކުރާ ކަމަށް ބުނާ ވާހަކަ އެ ކުންފުނިން މިއަދު ދޮގުކޮށްފި އެވެ.
ވެމްކޯ އިން ބަޔާނެއް ނެރެ އެ ވާހަކަ ދޮގުކުރީ ވެމްކޯ މުވައްޒަފުންގެ ޕެންޝަން ފައިސާ ޖަމާނުކުރާތާ 8 އަހަރުވެފައިވާ ކަމަށް ބުނެ ވާހަކަ ދެކެމުންދާތީ އެވެ. އެ ކުންފުނިން ބުނީ އެއީ ހަގީގަތާއި ހިލާފު މައުލޫމާތުތަކެއް ކަމަށެވެ.
މިއަދާ ހަމައަށްވެސް އެ ކޯޕަރޭޝަނުން އަންނަނީ މުވައްޒިފުންގެ ޕެންޝަން ފައިސާ ދައްކަމުން ކަމަށް ވެސް ބުންޏެވެ.
އަދި ބުނީ މޯލްޑިވްސް ޕެންޝަން އެޑްމިނިސްޓްރޭޝަން އޮފީހާއި އެ ކޯޕަރޭޝަނާއި ދެމެދު ވާހަކަ ދެކެވި ޖެހިފައިވާ މައްސަލަ ހައްލުކުރުމުގެ މަސައްކަތް ކުރިއަށްދާ ކަމަށެވެ. ކުންފުނީގެ މާލީ ހާލަތަށް ބަލާއިރު ހަރަދުތަކާއި މުވައްޒިފުންގެ މުސާރަ ހަމަޖައްސަނީ ލިބޭ އާމްދަނީން ކަމަށް ބުންޏެވެ. ނަމަވެސް ވެމްކޯ އަށް އާމްދަނީގެ ގޮތުގައި ލިބެން ޖެހޭ ފައިސާ ގިނަ ތަންތަނުން ނުލިބޭ ކަމަށާާ އެ ގޮތުން މާލެ ސިޓީ ކައުންސިލުން އެ ކޯޕަރޭޝަނަށް މިހާރު ވެސް ދައްކަން ޖެހި ނުދައްކާވާ 66 މިލިއަން ރުފިޔާ އެބަ އޮތް ކަމަށް ފާހަގަ ކޮށްފައިވެ އެވެ.
ވެމްކޯ އިން އިތުރަށް ބުނީ މިވަގުތު މުވައްޒިފުންގެ މުސާރައާ ޕެންޝަން ފައިސާގެ ކަންކަމާއި ގުޅިގެން ޕެެންޝަން އޮފީހާއި ވާހަކަ ދައްކައިގެން ފަސޭހަ އިންތިޒާމަކުން ފައިސާ ދައްކާ ހަލާސްކުރެވޭނެ ގޮތަކަށް ދެ ފަރާތުން އެއްބަސްވެފައިވާ ކަމަށެެވެ. އަދި ބުނީ އެއްވެސް މުވައްޒިފެއްގެ ޕެންޝަން ހައްގަށް އުނިކަމެއް ނާންނާނެހެން ފައިސާ ދެއްކުމަށް ރާވާފައިވާ ކަމަށެވެ.
Advertisement
This content is created and paid for by advertisers and does not involve Voice Journalists
