ޕްރެޝަރު ބޮޑުވެ، ނަތަންޔާހޫ މިރޭ ނޫސްވެރިންނާ ބައްދަލުކުރަނީ
އިސްރާއީލް ސިފައިން ޢައްޒާގައި ހިންގަމުންގެންދާ ހަނގުރާމައިގެ ޖަރީމާތަކުގެ މައްސަލާގައި ބައިނަލްއަޤްވާމީ ފަރާތްތަކުގެ ޕްރެސަރު ބޮޑުވެފައިވަނިކޮށް ބޮޑުވަޒީރު ބެންޔަމިން ނަތަންޔާހޫ، މިރޭ ނޫސްވެރިންނާ ބައްދަލުކުރާގޮތަށް ހަމަޖެހިއްޖެކަމަށް އިސްރާއީލްގެ މީޑިއާއިން ބުނެފިއެވެ.
އިސްރާއީލް ޓައިމްސްއިން ބުނެފައިވަނީ ބޮޑުވަޒީރު، ނަތަންޔާހޫ ނޫސްވެރިންނާއެކު ބާއްވާ ކުއްލި ބައްދަލުވުމެއް މިރޭ އިސްރާއީލް ގަޑިން 20:00 އޮންނާނެ ކަމަށެވެ. މިއީ މިދިޔަ ޑިސެމްބަރުމަހަށްފަހު ނަތަންޔާހޫ ނޫސްވެރިންނާ ބައްދަލުކުރާ ފުރަތަމަ ފަހަރެވެ. ޢައްޒާ މައްސަލާގައި ބައިނަލްއަޤްވާމީ ފަރާތްތަކުން އަންނަނީ އިސްރާއީލަށް ވަރަށްބޮޑަށް ފިއްތުންތައް ކުރިމަތިކުރުވަމުންނެވެ.
ބައިނަލްއަޤްވާމީ ފަރާތްތަކުގެ ޕްރެެސަރު މިފަހުން އިތުރުވެފައިވަނީ، ޢައްޒާއަށް ކާބޯތަކެތި ވައްދަން އިސްރާއީލުން ދަތިކުރުމާއި، ބޭރުގެ މިޝަންތަކުގެ މީހުންނަށް އިސްރާއީލް ސިފައިން ހަމަލާތައް ދޭތީއެވެ. އިސްރާއީލުގެ މި އަމަލުތަކާ ގުޅިގެން އެޤައުމާ ގާތް ގުޅުން އޮންނަ ބައެއް ޤައުމުތަކުން ވަނީ ވިޔަފާރީގެ ގުޅުންތައް ކަނޑާލަން ޖެހިދާނެކަމަށް ބުނެ އިންޒާރުދީފައެވެ. މިގޮތުން ކެޓަލޫނިއާއިން ވަނީ އިއްޔެ، ތެލް އަވީވްގައި ހުންނަ ވިޔަފާރީގެ އޮފީސް ބަންދުކޮށްފައެވެ.
މީގެ ހަފްތާއެއްހާ ދުވަސްކުރިން ނަތަންޠާހޫ ވަނީ ކުރިއަށްއޮތް ދުވަސްތަކުގައި ފުރިހަމަ ބާރާއެކު ހަމާސް ބަލިކޮށް ޢައްޒާގެ ކޮންޓްރޯލް އިސްރާއީލްގެ ބާރުގެދަށަށް ގެންނާނޭކަމުގެ އިންޒާރު ދެއްވާފައެވެ.
މަސްރަހް ދިރާސާ ކުރާ ފަރާތްތަކުން ބުނާގޮތުގައި ނަތަންޔާނޫ މިރޭ ބާއްވާ ނޫސްވެރިންގެ ބައްދަލުވުމުގެ ތެރެއިން ޢައްޒާ އާ ގުޅޭގޮތުން އިސްރާއީލުން ދެން ގެންގުޅޭނެ ސިޔާސަތުތައް ހާމަވެގެންދާނެއެވެ.
Advertisement
This content is created and paid for by advertisers and does not involve Voice Journalists
