ރާއްޖެއިން މިއަދު ޖިއްދާއަށް ދިޔަ ހުރިހާ ހައްޖުވެރިންގެ ހާލުވެސް ރަނގަޅުކަމަށް މޯލްޑިވްސް ހައްޖު މިޝަނުން ބުނެފިއެވެ.
ރާއްޖެއިން މިފަހަރު ހައްޖަށް ދިއުމަށް ހަމަޖެހިފައިވާ ހައްޖުވެރިންގެ ފުރަތަމަ ފްލައިޓް މިއަދު ރާއްޖެއިން ފުރާފައިވަނީ 15:32 ހާއިރެވެ. ހައްޖުވެރިން ދަތުރުކުރި ފްލައިޓް ޖިއްދާ އެއާޕޯޓަށް ޖެއްސީ ރާއްޖެގަޑިން 20:38 ހާއިރެވެ.
އެކްސްގައި ކުރި ޕޯސްޓެއްގައި ދިވެހި ހައްޖު މިޝަނުން ބުނީ ހުރިހާ ހައްޖުވެރިންގެ ހާލުވެސް އާއްމު ގޮތެއްގައި ރަނގަޅު ކަމަށާއި، ފްލައިޓުން ފޭބިތާ މާ ގިނައިރެއްނުވެ ބަސްތަކަށް އަރައި ހޮޓަލަށް ދިއުމަށް ދަތުރު ފަށާފައިވާކަމަށެވެ. މިގޮތުން ހުރިހާ ހާޖީންވެސް މިވަގުތު ދަނީ މައްކާއަށް ދަތުރުކުރަމުން ކަަމަށްވެސް ހައްޖު މިޝަނުން ބުންޏެވެ.
ރާއްޖެއިން މިއަދު ހައްޖަށްދިއުމަށް 235 މީހަކު ފުރިއިރު، ދެވަނަ ގްރޫއްޕު މާދަމާ ފުރާނެއެވެ. އެއަށްފަހު ތިންވަނަ ގުރޫޕް މި މަހުގެ 29 ވަނަ ދުވަހު ފުރާއިރު ފަހު ގުރޫޕް ފުރާނީ 30 ވަނަ ދުވަހުއެވެ. މިފަހަރު ރާއްޖެއިން 1000 މީހުން ހައްޖަށް ދާނޭކަމަށް އިސްލާމިކް މިނިސްޓްރީން ބުނެއެވެ.
Advertisement
This content is created and paid for by advertisers and does not involve Voice Journalists
