ޑިފެންސް މިނިސްޓްރީން 2023 ވަނަ އަހަރު ހަރަދުކޮށްފައިވަނީ ޤާނޫނީ އިމުގެ ތެރެއިން ކަމަށް އޮޑިޓް އޮފީހުން ނެރުނު ރިޕޯޓްގައި ބުނެފިއެވެ.
އޮޑިޓަރ ޖެނެރަލް ހުސައިން ނިޔާޒީ ސޮއިކުރައްވައި ނެރުއްވާފައިވާ ޑިފެންސް މިނިސްޓްރީގެ 2023 ވަނަ އަހަރުގެ ކޮމްޕްލަޔަންސް އޮޑިޓް ރިޕޯޓްގައި ބުނެފައިވަނީ މިނިސްޓްރީ އޮފް ޑިފެންސް އިން 2023 ވަނަ އަހަރުގެ ފާސްކުރެވުނު ބަޖެޓުން ހޭދަކުރެވުނު ގޮތުގެ ބަޔާނުގައި ހިމަނާފައިވާ އަދަދުތަކާއި ޕަބްލިކް އެކައުންޓިން ސިސްޓަމުގައި ހުރި ރިކޯޑްތަކުގައި އުނިއިތުރު ކަމެއް ހުރިކަމަށް ފާހަގަކުރެވިފައި ނުވާކަަށެވެ.
އޮޑިޓަރ ޖެނެރަލްގެ ރިޕޯޓްގައި ބުނެފައިވަނީ، ޑިފެންސް މިނިސްޓްރީން އެ އަހަރުގެ ބަޖެޓުން ހަރަދުކޮށްފައިވަނީ، އެ މިނިސްޓްރީއަށް ފާސްކޮށްދެއްވި ބަޖެޓްގައި ކަނޑައަޅާފައިވާ ކަންތައްތަކަށް، ބަޖެޓްގައި ކަނޑައަޅާފައިވާ މިންވަރަށް ދައުލަތުެގ މާލިއްޔަތު ޤާނޫނާއި ޤަވާއިދުތަކާ އެއްގޮތަށް ކަމަށެވެ.
އަދި ޑިފެންސް މިނިސްޓްރީގެ އެހެނިހެން މާލީ ކަންކަންވެސް 2023 ވަނަ އަހަރު ހިންގާ ބަލަހައްޓާފައިވަނީ ދައުލަތުގެ މާލިއްޔަތާ އެއްގޮތަށް ކަމަށެވެ.
Advertisement
This content is created and paid for by advertisers and does not involve Voice Journalists
