އުރީދޫ ފަން ރަން 2025-އައްޑޫ ސިޓީ އަށް ރަޖިސްޓްރީވުމުގެ ފުރުސަތު މިހާރު ރަސްމީކޮށް ހުޅުވާލެވިފައިވާކަމަށް އުރީދޫ މޯލްޑިވްސް އިން ބުނެފިއެވެ.

ރާއްޖޭގައި ބާއްވާ އެންމެ އުފާވެރި ދުވުން 'އުރީދޫ ފަން ރަން' ޖޫން 27 ވާ ހުކުރުދުވަހުގައި ބޭއްވުމަށް ހަމަޖައްސާފައި ވަނީ އައްޑޫ ސިޓީ މަރަދޫގައެވެ.

މި ރަންގައި ބައިވެރިވާ ފަރާތްތަކަށް 2 ކިޓް އޮޕްޝަންއެއް އިޙްތިޔާރު ކުރެވޭނެއެވެ. އެއީ ސްޓޭންޑާޑް ކިޓާއި ފަން ކިޓެވެ. ސްޓޭންޑާާޑް ކިޓްގެ އަގަކީ 110 ރުފިޔާ އެވެ. ފަން ކިޓުގައި ހިމެނެނީ ފަން ރަން ޓިީީޝާޓާއި ރިސްޓްބޭންޑުގެ އިތުރުން އައިގްލާސް އަދި މަލްޓިޕާޕަސް ބަނޑާނާ ހިމެނެއެވެ. މި ކިިޓުގެ ގެ އަގަކީ 210 ރުފިޔާއެވެ.

އުރީދޫ ފަން ރަން އަކީ ކޮންމެ އަހަރަކު އުރީދޫއިން ބާއްވަމުންދާ ހަރަކާތްތަކުގެ ތެރެއިން އާންމުނެގެ މެދުގައި އެންމެ މަގްބޫލު އެއް ހަރަކާތެވެ. މިދިޔަ އަހަރު ހުޅުމާލޭގައި ކުރިއަށް ގެންދިޔަ މި ހަރާކާތުގައި 6500 އަށްވުރެ ގިނަ ބައިވެރިން ވަނީ ބައިވެރިވެފައެވެ. 

6 އަހަަރުން މަތީގެ ހުރިހާ ފަރާތްތަކަށް މި ދުުވުމުގައި ބައިވެރިވުމުގެ ފުރުސަތު ހުޅުވާލާފައިވާއިރު ތަފާތު ހަރަކާތްތަކެއް ހިމެނެއެވެ. އުރީދޫ ފަން ރަންގައި ކޮންމެ ކިލޯމީޓަރެއް ނިމުމުން، ބެހެއްޓިފައިވާ ސްޓޭޝަންތަކުގައި، ކުލަގައިގެ އިތުރުން ފެން އަދި މަޖާ ހަރަކާތްތަކެއް ކުރިއަށްދާނެއެވެ. މިއީ ވަކި ވަގުތެއްގެ ތެރޭގައި ނިންމަން ޖެހޭ ރޭހަކަށް ނުވާތީ، ހިނގާފަ، ޖޮގްކޮށްފަ، ދުވެފަ ނޫނީ ނަށަމުންވެސް މި ދުވުން ނިންމިދާނެއެވެ.

އުރީދޫއިން ވަނީ ޖޫންމަހުގެ 15 ވާ ބްރާސްފަތިދުވަހުގެ 23:59 ގެ ކުރިން މޫލީ މެދުވެރިކޮށް ފަން ރަންގައި ރަޖިސްޓްރީ ވުމަށް އެދިފައެވެ.