ނިރަބުވެރި އިޒްރޭލުގެ ސިފައިން، ޣައްޒާގެ އަވަށެއް ކަމުގައިވާ ތަލް އަލް-ސުލްތާން އަވަށުގައި ހުރި އިންސާނީ އެހީ ފޯރުކޮށްދޭ ތަނަކަށް އަމާޒުކޮށް އަނެއްކާވެސް ހަމަލާދީފިއެވެ.
މިހާދިސާ ހިނގާފައިވަނީ ހޯމަދުވަހުގެ ވަގުތެއްގައި ކަމަށް މީޑިޔާތަކުން ރިޕޯޓް ކޮށްފައިވެއެވެ.
މިހަމަލާގައި ތިން މީހަކު ޝަހީދުވެފައިވާއިރު 50 މީހުން ވަނީ ޒަހަމްވެފައެވެ. މީގެ ތެރޭގައި އަންހެނުންނާއި ކުޑަކުދިން ވެސް ހިމެނޭކަމަށާއި ޒަހަމްވި މީހުންގެ ތެރެއިން ގިނަމީހުން ޒަހަމް ވެފައިވަނީ ގަޔަށް ވަޒަން އެރުމުގެ ސަބަބުންކަމަށް ކަމާބެހޭ އިދާރާތަކުން ބުނެފައިވެއެވެ.
ފާހަގަކޮށްލަންޖެހޭ ކަމަކީ، އިޒްރޭލުން ދަނީ ހުއްޓުމެއްނެތި ފަލަސްޠީނުގެ ރައްޔިތުންނާއި ދެކޮޅަށް އެތަކެއް ލާއިންސާނީ ހަމަލާތަކެއް ދެމުންނެވެ. އަދި މީހުން ގިނައިން އެއްވެ އުޅޭ ސަރަހައްދުތަކަށް އަމާޒުކޮށް ބޮމުގެ ހަމަލާތަށް ދިނުމާއި، އެހީގެ ޓުރަކުތަށް ޣައްޒާގެ އެތެރަޔަށް ވަނަ ނުދީ ފަލަސްޠީނުގެ ރައްޔިތުން ބަނޑަށް ޖެއްސުމާއި، ސާފު ފެނުން ވެސް ވަނީ މަހްރޫމުކޮށްފައެވެ.
އިޒްރޭލުގެ ހަމަލާތަކުގައި ކޮންމެ ދުވަހަކު އެތަކެއް ބަޔަކު ދަނީ ޝަހީދުވަމުންނެވެ. މިކަމުގެ ސަބަބުން އިންޓަރނޭޝަނަލް ކޯޓް އޮފް ޖަސްޓިސް އިން ވަނީ އިޒްރޭލުން ފަލަސްޠީނުގެ ރައްޔިތުންނާއި ދެކޮޅަށް ހިންގާ ލާއިންސާނީ ހަމަލާތަށް ހުއްޓާލުމަށް ގޮވާލާފައެވެ. އެހެންނަމަވެސް ޔަހޫދީ އިޒްރޭލުން ހުރީ ހަނގުރާމަ ހުއްޓާލާ ގޮތަކަށްނޫނެވެ.
Advertisement
This content is created and paid for by advertisers and does not involve Voice Journalists
