އިޒްރާއީލްގެ ސިފައިން މެދުނުކެނޑި ޢައްޒާއަށް ދެމުންގެންދާ ހަމަލާތަކުގައި މިދިޔަ 24 ގަޑިއިރުގެ ތެރޭގައި ފަލަސްތީނުގެ 95 މީހަކު ޝަހީދުކޮށްލައިފިއެވެ.
ޢައްޒާގެ ސިއްހަތާ ބެހޭ ވުޒާރާއިން ބުނީ، އިޒްރާއީލުން ދިން ހަމަލާތަކުގައި 440 އަށްވުރެ ގިނަ މީހުން ޒަހަމްވެފައިވާއިރު، ފުރާނަ ގެއްލުނު މީހުންނާއި ޒަހަމްވި މީހުންގެ އަދަދު އަދި މުޅިއެކުން ސާފު ނުވާކަމަށެވެ. އިޒްރޭލުގެ ސިފައިންދަނީ އިންސާނީ އެހީ ފޯރުކޮށްދޭ ތަންތަން ފަދަ މީހުން ބައިބޯ ސަރަހައްދުތަކަށް އަމާޒުކޮށްގެން ބޮމުގެ ހަމަލާތަކާއި ބަޑީގެ ހަމަލާތަށް ދެމުންނެވެ.
އިޒްރޭލުގެ އަނިޔާވެރިކަން އިތުރުވެފައިވާ މިދަނޑިވަޅުގައި އދގެ ސެކިއުރިޓީ ކައުންސިލުންވަނީ ހަނގުރާމަ ހުއްޓާލުމަށާއި، ޣައްޒާގެ ބޯޑަރުތަށް ހުޅުވުމަށް އިޒްރޭލަށް އަންގާފައެވެ. އެހެންނަމަވެސް އިޒްރޭލުގެ ޖަރީމާތައް ނުހުއްޓާނޭކަމަށް އެޤައުމުން ވަނީ ބުނެފައެވެ.
ބައިނަލްއަޤްވާމީ ކަމާބެހޭ ފަރާތްތަކުން ބުނެފައިވާގޮތުގައި ޣައްޒާއަށް މިހާރުވަނީ އިންސާނީ ކާރިސާއެއްގެ ހާލަތު ކުރިމަތިވެފައެވެ. އިޒްރާއީލުން މިހާރު ކުރިއަށްގެންދާ ހަމަލާތައް ފަށާފައިވަނީ 2023 ވަނަ އަހަރުގެ އޮކްޓޯބަރުމަހުގެ ތެރޭގައެވެ. މިއަދާ ހަމަޔަށްއާއިރު މިހަމަލާތަކުގައި 55،000 އަށްވުރެ ގިނަ މީހުން ޝަހީދުވެފައިވާއިރު 12،6000 އެއްހާ ވަނީ ޒަހަމްވެފައެވެ.
Advertisement
This content is created and paid for by advertisers and does not involve Voice Journalists
