ކުރީއަހަރުތަކަށްވުރެ މިފަހަރު ދިވެހި ހައްޖުވެރިންގެ އިންތިޒާމުތަށް މާބޮޑަށްވެސް ރަނގަޅުކަމަށް އިސްލާމިކް މިނިސްޓަރު ޑރ.މުހައްމަދު ޝަހީމް ވިދާޅުވެއްޖެއެވެ.
ދިވެހި ހައްޖުވެރިންނަށް އިންތިޒާމްތައް ހަމަޖެހިފައިހުރިގޮތާ ގުޅޭގޮތުން މީޑިއާ އާ ވާހަކަދައްކަވަމުން މިނިސްޓަރު ވިދާޅުވީ، މީގެ ކުރީ އަހަރުތަކަށްވުރެ، މިފަހަރު ހައްޖު މޫސުމުގައި ދިވެހި ހައްޖާޖީގެ އިންތިޒާމުތައް ރަނގަޅުކަމަށް ހައްޖުވެރިންގެ ފަރާތުންވެސް އަޑުއިވިފައިވާކަމަށެވެ. ޝަހީމް ވިދާޅުވީ އެތައް ބަޔަކު ބައިވެރިވާ ހައްޖުގެ ފުރިހަމަ ކޮންޓްރޯލް އޮންނަނީ ސައުދީ ސަރުކާރުގެ އަތްމަތީގައި ކަމަށާއި، ދިވެހިން ބައެއް ކަންކަން ހާސިލްކުރަން ބޭނުންވިނަމަވެސް ނުކުރެވޭ ކަންކަން ހުންނާނެ ކަމަށެވެ. މިފަދަ ކަމެއްގެ ތެރޭގައި ރަނގަޅުކުރަންޖެހޭނެ ކަންކަން ހުންނާނެކަން ފާހަގަކުރައްވަުން ޝަހީމް ވިދާޅުވީ، އެފަދަ ބައެއް ކަންކަން ހައްޖުވެރިން ހިއްސާކޮށްފައިވާކަމަށެވެ. އެގޮތުން އެއީ އެކަން އޮންނާނެ ގޮތްކަމަށްވެސް ޝަހީމް ވިދާޅުވިއެވެ.
މިނިސްޓަރު ވިދާޅުވީ މިފަހަރަކީ އިންތިޒާމްގެ ގޮތުން ފާހަގަކޮށްލަންޖެހޭ އަހަރެއްކަމަށާއި، އެގޮތުން މިފަހަރު އަރަފާތުން މުޒްދަލިފާއަށް ގޮސް، މުޒްދަލިފާއިން ނިކުމެ ހިލައުކާފައި މިނާއަށް އައުމާދެމެދު އެއްވެސް ހައްޖުވެރިއަކުން ގެއްލި ނުވަތަ މަގުއޮޅުމުގެ އެއްވެސް ކަމެއް ދިވެހި ހައްޖުވެރިއަކަށް ތަޖުރިބާކުރަން ނުޖެހުމަކީ މިފަހަރު ލިބުނު ވަރަށްބޮޑު ކުރިއެރުމެއްކަމަށެވެ. މިނިސްޓަރު ވިދާޅުވީ ދިވެހި ހައްޖާޖީންނަށް ސަލާމަތްތެރިކަމާ އަމާންކަމާއެކު ހައްޖުގެ އަޅުކަމުގެ ކަންކަން ފުރިހަމަވެ ދިއުމަކީ އެންމެނަށްވެސް ލިބިގެންދިޔަ ވަރަށްބޮޑު އުފަލެއްކަމަށެވެ.
ހައްޖަށް ދިކއުމަށް މިފަހަރު ރާއްޖެއަށް ސައުދީން ވަނީ 1،000 މީހުންގެ ކޯޓާ ދީފައެވެ. މިފަހަރު ދިވެހި ހައްޖުވެރިންނަށް ލުއިފަސޭހަކޮށްދިނުމުގެ ގޮތުން ގިނަ އިންތިޒާމްތަކެއް ވަނީ ހަމަޖައްސާފައެވެ.
Advertisement
This content is created and paid for by advertisers and does not involve Voice Journalists
