އިސްރާއީލުން ފަލަސްތީނަަށް ދޭ ހަމަލާތައް ދަނީ އެެއްދުވަހުން އަނެއްދުވަހަށް އިތުރުވަމުންނެވެ.އެގޮތުން ފަލަސްތީނުގެ ޣައްޒާއަށް ދެމުންއަންްނަ ހަމަލާތަކުގައި ފާއިތުވި 24 ގަޑިއިރުގެ ތެރޭގައި 108 މީހަކު ޝަހީދު ކޮށްލާފައިވާ ކަމަށް ޣައްޒާގެ ހެލްތް މިނިސްޓްރީން ބުނެފިއެވެ.

ޣައްޒާގެ ހެލްތް މިނިސްޓްރީއާއި ހަވާލާދީ މީޑިއާ ރިޕޯޓްތަކުން ބުނީ ނިރުބަވެރި އިސްރާއީލުން ފަލަސްތީީނަށް ދެމުން އަންނަ ހަމަލާތަކަށް ހުއްޓުމެއް އައިސްފައިނުވާކަމަށެވެ. އަދި ފާއިތުވި 24 ގަޑިއިރު ތެރޭގައި 108 މީހުން ޝަހީދު ކޮށްލާފައިވާއިރު 2023 ވަނަ އަހަރުގެ އޮކްޓޫބަރު 7 އިން ފެށިގެން މިހާތަނަށް ޝަހީދު ކޮށްލާފައިވާ މީހުންގެ އަދަދު 54,800 އަރާކަމަށެވެ.

އަދި ގެއްލުން ލިބުނު މީހުންގެ ޖުމްލަ އަދަދު 126,227 އަރާފައިވާއިރު އޭގެތެރެއިން 393 މީހުުންނަށް ފާއިތުވި 24 ގަޑިއިރުތެރޭގައި އެކިވަރުގެ ތަފާތު އަނިޔާތައް  ލިބިފައިވެއެވެ.

އަދި ހަމަ މިއާއެކު މާޗް މަހުން ފެށިގެން މިއަދާއި ހަމައަށް އިސްރާއީލުން ފަލަސްތީނުގެ 4،603 މީހުން ޝަހީދުކޮށްލައި 14،186 މީހުން ޒަހަމްކޮށްލާފައިވާ ކަމަށް ޣައްޒާގެ ހެލްތް މިނިސްޓްރީން ބުންްޏެވެ.