އިންޑިއާގެ ޚާރިޖީ ވަޒީރު ޑރ. ސުބްރަމާނިއަމް ޖައިޝަންކަރު ޔޫރަޕަށް މިހާރު ކުރައްވަމުންގެންދަވާ ދަތުރުފުޅުގައި އީޔޫ ޕާލިމަންޓްގެ މެމްބުންނާ ބައްދަލުކުރައްވައިފިއެވެ.
ޖައި ޝަންކަރުގެ މި ދަތުރުފުޅުގައި އެންމެ ފުރަތަމަ ވަޑައިގެންފައިވަނީ ބެލްޖިއަމަށެވެ. އެޤައުމަށް ކުރެއްވި ދަތުރުފުޅުގައި ވަނީ ބެލްޖިއަމްގެ ބޮޑުވަޒީރު ބާޓް ޑަ ވޭވަރ އާއި ހާރިޖީ ވަޒީރާ ބައްދަލުކުރައްވާފައެވެ. މި ދަތުރުފުޅުގައި ބެލްޖިއަމާއި އިންޑިއާގެ އޮފިޝަލުން ރަސްމީ ވާހަކަތައް ބޭއްވުމަށް ވަނީ ތާވަލްކޮށްފައެވެ.
ޖައިޝަންކަރުގެ މި ދަތުރުފުޅުގައި އިއްޔެ އީޔޫގެ ޕާލިމަންޓްރީ ގްރޫއްޕްގެ މެމްބަރުންނާ ބައްދަލުކުރައްވާފައިވާއިރު، ޓެރަރިޒަމާއި އެނޫންވެސް ކަންކަމާ ގުޅޭގޮތުން ވަނީ މަޝްވަރާތައް ބާއްވަވާފައެވެ.
ބެލްޖިއަމަށްފަހު ޖައިޝަންކަރު ދެން ވަޑައިގަންނަވާނީ ފަރަންސޭސިވިލާޓުގެ ވެރިރަށް ޕެރިހަށެވެ. ޕެރިހުގައި ފަރަންސޭސީ ސަރުކާރުގެ އިސްވެރިންނާއި ބައްދަލުކުރެއްވުމުގެ އިތުރުން، މާސޭގައި އޮންނަ ރައިޒީނާ މެޑިޓެރޭނިއަން ފޯރަމްގައިވެސް ޑރ. ޖައިޝަންކަރު ބައިވެރިވެވަޑައިގަންނަވާނެއެވެ. މިމަހުގެ 12 އިން 13 އަށް މާސޭގައި ބާއްވާ ރައިޒީނާ މެޑިޓެރޭނިއަން އަކީ، އިންޑިއާގެ އެންމެ ބޮޑު އެއް ތިންކް ޓޭންކް ކަމަށްވާ އޮބްޒާވަރ ރިސަރޗް ފައުންޑޭޝަނުން އިންތިޒާމުކޮށްގެން ބާއްވާ ރައިޒީނާ ޑައިލޮގްގެ ބައެކެވެ.
ޖައިޗަންކަރު ޔޫރަޕަށް ކުރައްވާ ދަތުރުފުޅު ނިންމަވާލައްވާނީ އަންނަ ހޮނިހިރުދުވަހުއެވެ.
Advertisement
This content is created and paid for by advertisers and does not involve Voice Journalists
