އެއާ އިންޑިއާގެ މަތިންދާބޯޓް، އޭއައި 171 ފްލައިޓު ވެއްޓުމުގެ ހިތާމަވެރި ހާދިސާއާއި ގުޅިގެން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހަމްދަރުދީފާޅުކުރައްވައިފިއެވެ.

އެއާ އިންޑިއާ މަތިންދާބޯޓު ވެއްޓިފައިވަނީ އިންޑިޔާގެ ހުޅަނގު ގުޖްރާތު ސްޓޭޓްގެ އަޙްމަދްއާބާދް ކައިރިއަށެވެ. ވެއްޓުނުއިރު މިފްލައިޓުގައި ދަތުރު ކުރަމުން ދިޔައީ 230 ފަސިންޖަރުންގެ އިތުރުން 12 ކްރޫންނެވެ.

އެއާ އިންޑިއާ ފްލައިޓު ވެއްޓުމާއި ގުޅިގެން އެކްސްގައި ކުރެއްވި ޕޯސްޓެއްގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ހާދިސާ ހިނގުމާއި ގުޅިގެން ހަމްދަރުދީ ފާޅުކުރައްވާފައެވެ. އަދި މި ހިތާމަވެރި ދަނޑިވަޅުގައި އިންޑިއާ ސަރުކާރާއި ރައްޔިތުންނާއެކު ހުންނެވިކަމަށް އެމަނިކުފާނު ވަނީ ވިދާޅުވެފައެވެ.

މި ފްލައިޓުގައި އިންޑިއާގެ 169 މީހުންނާއި، އިނގިރޭސިވިލާތުގެ 53 މީހުންނާއި، ޕޯޗްގަލްގެ ހަތް މީހެއްގެ އިތުރުން ކެނެޑާ މީހަކު މި ބޯޓުން ދަތުރުުކުރި ކަމަށް އެއާ އިންޑިއާ އިން ވަނީ ބުނެފައެވެ.