މީސްމީޑިޔާގައި ޕޯސްޓެއް ނުކުރައްވާތާ ތިން އަހަރު ފަހުން، ކުރީގެ ރައީސް އަބްދުالله ޔާމީން ޢަބްދުލްޤައްޔޫމް އެކްސްގައި ޕޯސްޓެއް ކުރައްވައިފިއެވެ.
އެގޮތުން އެމަނިކުފާނު މިއަދު އެކްސްގައި ޕޯސްޓެއް ކުރައްވާފައިވަނީ، އެއާ އިންޑިޔާގެ މަތިންދާ ބޯޓެއް ވެއްޓި، އޭގެން ދަތުރުކުރި އެކަކު ފިޔަވައި އެހެން އެންމެން މަރުވި ހާދިސާއާ ގުޅިގެން އެކަމުގެ ހިތާމަފާޅުކޮށް އިންޑިޔާއަށް ތަޢުޒިޔާ ފޮނުއްވައެވެ.
"އެއަރ އިންޑިއާގެ ފްލައިޓް ވެއްޓުނު ހާދިސާއެއްގައި، އޭގެ ފަސިންޖަރުންނާއި އިތުރު އެތައް ބަޔަކު މަރުވެދިޔަ ޚަބަރު އެހީ ފުން ހިތާމައާއެކު. ޤައުމީ ހިތާމައިގެ މި ދަނޑިވަޅުގައި، މި ހާދިސާގައި މަރުވި އަދި ގެއްލުނު އެންމެހައި މީހުންގެ ޢާއިލާއާއި، އެކުވެރި އިންޑިޔާގެ ރައްޔިތުންނަށް ތަޢުޒިޔާ ފޮނުއްވަން."
ޔާމީން އަބްދުލްޤައްޔޫމް
ރައީސް ޔާމީންގެ މި އެކްސް ޕޯސްޓަކީ 2022 ވަނަ އަހަރު އެކްސް އެކައުންޓް ހެއްދެވިފަހުން ކުރެއްވި 22 ވަނަ ޕޯސްޓެވެ. އެންމެ ފަހުންވެސް ޕޯސްޓެއް ކުރައްވާފައި ވަނީ، 2022 ވަނަ އަހަރުގެ ނޮވެމްބަރު މަހުގައެވެ. އެމަނިކުފާނު ފާހަގަކޮށްލެވެނީ މީސްމީޑިޔާއާ ދުރު ބޭފުޅެއްގެ ގޮތުގައެވެ.
Advertisement
This content is created and paid for by advertisers and does not involve Voice Journalists
