މާލެއިން ގެއްލިގެން ހޯދަމުން އައި 18 އަހަރުގެ އަންހެން މީހާ ފެނިއްޖެ އެވެ.

ގެއްލިގެން ހޯދީ އައިޝަތު ލަމްޔާ ނަމަކަށް ކިޔާ އަންހެނެކެވެ. އޭނާގެ އާއިލާ އިން ބުނީ އެ އަންހެން މީހާގެ ހަބަރެއް އެންމެ ފަހުން ވީ ރޭ 8:30 ހާއިރު ކަމަށެވެ. އެއީ އެމީހާ ގެއިން ނިކުމެންދިޔަ ވަގުތެވެ.

އަންހެން މީހާ އެންމެ ފަހުން ލައިގެން ހުރީ ކަޅު ޖިންސަކާއި ހުދު ޓޮޕަކާއި ކަޅު ސޯލެއް އަޅައިގެންނެވެ.

ފުލުހުންގެ އިދާރާ އިން “ވޮއިސް” އަށް ބުނީ އެ މީހާ ގެއްލިގެން އާއިލާއިން ފުލުހަށް އެކަން ރިޕޯޓްކުރީ މިއަދު މެންދުރު 1:00 ގައި ކަމަށެވެ.

އެމީހާ މިރޭ 12:30 ހާއިރު ފެނިފައިވާ ކަމަށާ ހާލު ރަނގަޅު ކަމަށް ބުންޏެވެ. ހަބަރެއް ނުވެ މިވީ މިވަގުތު އުޅުނީ ކޮންތާކު ކަމެއް އަދި ހަބަރެއް ނުވެ ދިޔަ ސަބަބެެއް ސާފެއް ނުވެ އެވެ.

ދެ ޖިންސުގެ ޒުވާނުންނާއި ކުދީން ގެއްލިގެން ރިޕޯޓް ކުރާ މައްސަލަތައް ގިނަ އެވެ. ބައެއް ކުދީން މިގޮތަށް ގެއްލުމަކީ ވަރަށް އާންމު ކަމެކެވެ. ބައެއް ފަހަރު ހަފްތާ ވަންދެން އާއިލާއާ ފިލައިގެން ހަބަރެއް ނުވެ އުޅެ އެވެ. ގިނަ ފަހަރަށް ފެންނަނީ ފޮޓޯ އާންމުކޮށް ހޯދާ ކަމަށް ބުނުމުންނެވެ.