އީރާން-އިޒުރޭލު ހަނގުރާމަ ވަގުތީގޮތުން ހުއްޓާލިތާ މާ ގިނައިރެއްނުވެ، އިޒުރޭލުން ފަލަސްޠީނުގެ ޣައްޒާއަށް ދެމުންދާ ހަމަލާތަށް ވަރުގަދަކޮށްފިއެވެ.

ދެ ޤައުމުގެ ދެމެދުގައި ބަދަލުކުރަމުންދިޔަ ވައިގެ ހަމަލާތައް ވަގުތީގޮތުން މެދުކަނޑާލިތާ މާގިނަ އިރެއްނުވެ، އިއްޔެ އެކަނިވެސް އިޒްރޭލުން ވަނީ، ފަލަސްޠީނުގެ 41 މީހަކު ޝަހީދުކޮށްލާފައެވެ. އިޒުރޭލުން މިހާރު އާއްމު ގޮތެއްގައި ހަމަލާތައް ދެމުންގެންދަނީ މީހުން ބައިބޯ ހިސާބުތަކަށެވެ. އެގޮތުން ކާބޯތަކެތީގެ ސާމާނު ބަހާ ތަންތަނަށް އަމާޒުކޮށް އިޒްރާއީލުން ދަނީ ހަމަލާތައް ދެމުންނެވެ.

މި މައްސަލާގައި ބައިނަލްއަގުވާމީ އިދާރާތަކުންވެސް ވަނީ ކަންބޮޑުވުން ފާޅުކޮށްފައެވެ. އެފަރާތްތަކުންވެސް ބުނަމުންދަނީ އިޒްރޭލުން ފަލަސްތީނުގެ ރައްޔިތުންނާ ދެކޮޅަށް ދެމުންގެންދާ މި ހަމަލާތަަކަކީ ފަލަސްޠީނު ރައްޔިތުންގެ ނަސްލު ނައްތާލުމުގެ ގޮތުން ހިންގަމުނަދާ ޖަރީމާއެއް ކަމަށެވެ.

2023 ވަނަ އަހަރުގެ އޮކްޓޫބަރު މަހުގެ 7 ވަނަ ދުވަހުން ފެށިގެން އިޒުރޭލުން ޣައްޒާއަށް ދެމުންދާ ހަމަލާތަކުގައި ފަލަސްޠީނުގެ 56،077 އަށް ވުރެ ގިނަ މީހުން ޝަހީދުކޮށްލާފައިވާކަމަށް މީޑިޔާތަކުގައި ރިޕޯޓްކޮށްފައިވެއެވެ. އަދި މި ހަމަލާތަކުގައި ޖުމުލަ 131,848 މީހުންނަށް އެކި ވަރުގެ ޒަހަމްތަށް ވެފައިވާކަމަށް ވެސް މީޑިޔާތަކުގައި ރިޕޯޓްކޮށްފައިވެއެވެ.