ވިލާ ނޮޓިކާގެ އެންމެ ޙާއްސަ އެއް ފަރުމާކުރުން ކަމަށްވާ ރިސޯޓުގެ މެދުގައި ދޫލައެއްހެން ދަމާލާ 1،350 އަކަމީޓަރުގެ އިންފިނިޓީ ޕޫލް އަށް ޓްރެވަލް + ލީޝާރ އޭޝިއާ ޕެސިފިކް ލަގްޒަރީ އެވޯރޑްސް 2025 ގެ މި އަހަރު ރާއްޖޭގެ އެންމެ ހިތްގައިމު ރިސޯޓް ޕޫލްގެ ލަޤަބު ލިބިއްޖެއެވެ. 

މާލެ އަތޮޅު އުތުރުން، ކުރީގެ ޕެރަޑައިސް އައިލެންޑް އަލުން ތަރައްޤީކޮށް ވިލާ ނޮޓިކާގެ ނަމުން ހުޅުވުމަށްފަހު މި ޙާއްސަ އިންފިނިޓީ ޕޫލް އަށްވަނީ ފަތުރުވެރިން ބޮޑު މަގުބޫލުކަމެއް ލިބިފައެވެ. 

ރަށުގެ މެދުން "ސެންޓާރޕީސް" އެއްގެ ގޮތުގައި ފާހަގަކުރެވޭމި ޕޫލް އަކީ ބަލާ ބެލުމަށް ގޮސް ކަނޑުގެ ފެންގަނޑާ ގުޅޭހެން ހީވާ އިންފިނިޓީޕޫލްއެކެވެ.

މި  ޕޫލް ހުންނަ ސަރަހަށްދު ވަށައިގެން ވިލާ ނޮޓިކާއަށް ޒިޔާރަތްކުރާފަރާތްތަކަށް އަރާމުކޮށް އަވީގައި ޖައްސާލާ، ކޮފީ ބޯލާ، އެ ފަރާތްތައް ޗުއްޓީގައިހޭދަކުރާ ވަގުތުތަކަކީ އެންމެ ފުރިހަމަ ޚިދުމަތްލިބި، އެއްވެސް ހާސްކަމަކާ ނުލާ ހިނގާވަގުތުތަކަކަށް ހެދުމަށް ވިލާ ނައުޓިކާ ޕެރަޑައިސް އައިލެންޑްގެ ސްޓާފުން ޙާއްސަސަމާލުކަމެއް ދޭ ކަމަށް އެ ރިސޯޓުން ބުނެއެވެ. 

ރަށުގެ މެދުން ކަހަލަ ގޮތަކޮށް މޫދާ ދިމާލަށް އިރުއޮއްސޭފަޅިން ދަމާލާފައިވާ އިންފިނިޓީޕޫލްއަކީ ރާއްޖޭގެ މަޝްހޫރުވެފައިވާ ގުދުރަތީ ރީތިކަން ވަރަށް ފުރިހަމަޔަށް ދައްކުވައިދޭތަނެކެވެ. ހެނދުނުގެ ކޮފީ ގަޑިތަކާ ދިމާކޮށްވެސް މި ޕޫލްހިމެނޭ ސަރަޙަށްދަކީ ވިލާނޮޓިކާގެ ގެސްޓުންގެ މެދުގައި ވަރަށް ޚާއްސަ ތަނެއް ކަމަށް އެ ރިސޯޓުން ބުނެއެވެ. 

އެ ރިސޯޓުން އިތުރަށް ބުނީ، މި ސިގްނެޗާރ އިންފިނިޓީ ޕޫލް ތަޖުރިބާގެ އިތުރުން ވަށައިގެން ވިލާ ނޮޓިކާގެގެސްޓުންނަށް ޙާއްސަކޮށްދެވޭ ދުނިޔޭގެ ފެންވަރުގެ ޙިދުމަތްތަކަށް މިއަދު އެރިސޯޓުން ހާސިލްކޮށްފައިވާ މި އެވޯޑަކީ ވަރަށް ބޮޑު ކާމިޔާބީއެއް ކަމަށެވެ.

މީގެން ފާހަގަކުރެވެނީ، ވިލާ ރިސޯރޓްސް ގެ ބްރޭންޑް އިން އެންމެ ކޮލިޓީ ހޮޓެލްއެކްސްޕީރިއަންސަސް ތައްޔާރުކުރުމަށް ދޭ ސަމާލުކަމާއި، އެ މަސައްކަތުގެ އަގުވަޒަންކޮށް ވިލާ ނޮޓިކާ ޕެރެޑައިސް އައިލެންޑާމެދު ފަތުރުވެރިންގެ މެދުގައި އޮންނަގާތްކަން ކަމަށް އެ ރިސޯޓުން ފާހަގަކުރެއެވެ.