މާލީ ދާއިރާ ކުރިއެރުވުމަށް މި ސަރުކާރުން އުފެއްދި ކުންފުނި، ގްރޭޓަރ މާލެ ފައިނޭންޝިއަލް ޑިސްޓްރިކްޓް ލިމިޓެޑްގެ ޗެއަރޕަރސަން އަދި ބޯޑް މެމްބަރުން އައްޔަންކޮށްފިއެވެ.

އެ ކުންފުންޏަށް ބޯޑު މެމްބަރުން އައްޔަންކޮށްފައިވަނީ އިއްޔެއެވެ. 

އެގޮތުން އައްޔަނު ކޮށްފައިވާ ބޭފުޅުންނަކީ، 

1) ޗެއާމަން: ފާތިމަތު ޝާހީން، ދަފުތަރު ރސ.8087

2) މެންބަރު: އަހުމަދު ސިރާޖު، ވ. ސިނަމާލެ4-04-2

3) މެންބަރު: މުހައްމަދު ރިޔާޒް، ވ. ނަލަދުވެލި

4) މެންބަރު: އާމިނަތު ޝައުޝަން އަފީފް، ސުހާނާވިލާ/ސ. ފޭދޫ

މާލީ ދާއިރާ ކުރިއެރުވުމަށް "ގްރޭޓަރ މާލެ ފައިނޭންޝަލް ޑިސްޓްރިކްޓް ލިމިޓެޑް" ގެ ނަމުގައި ސަރުކާރުގެ ކުންފުންޏެއް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، އުފެއްދެވީ މި ޖޫން މަހު 1 ވަނަ ދުވަހުއެވެ. 

ދިވެހި ސަރުކާރުގެ ސައްތައިންސައްތަ ހިއްސާ އެކުލެވިގެންވާ، މި ކުންފުނި އުފެއްދެވުމުގެ މައިގަނޑު މަގުސަދުހެ ގޮތުގައި ފާހަގަކޮށްފައިވަނީ، ދިވެހި ސަރުކާރުގެ އިޤްތިޞާދީ ސިޔާސަތުތަކާ އެއްގޮތްވާ ގޮތުގެ މަތީން މާލީ ދާއިރާ ކުރިއެރުވުމެވެ. އެގޮތުން ހިމެނޭ ކަންކަމަކީ؛

* ދިވެހިރާއްޖޭގެ އުފެއްދުންތެރިކަން އިތުރުކުރުން

* ޑިޖިޓަލް ފައިނޭންޝަލް ސަރވިސަސްއާއި، ޑިޖިޓަލް ރިއަލް އެސްޓޭޓާއި، ފައިނޭންޝަލް ޓޫރިޒަމާއި، ބޭންކިންގގެ ޚިދުމަތްތައް ހިމެނޭގޮތުން، މާލީ ޚިދުމަތްތަކުގެ ސިނާއަތު ދިވެހިރާއްޖޭގައި ކުރިއެރުވުން،

* ބައިނަލްއަގުވާމީ މާލީ ޚިދުމަތްތަކުގެ މަރުކަޒަކަށް ދިވެހިރާއްޖެ ހެދުމަށް ޓަކައި ކުރަންޖެހޭ މަސައްކަތްތައް ކުރުން، 

* އެ މަސައްކަތްތަކާ ގުޅޭ އެންމެހައި ކަންކަން ތަންފީޒުކުރުން.