މިހާރު ކުރިއަށްދާ ޔުއެފާ ނޭޝަންސް ލީގްގައި ޕޯޗްގަލް އާއި ނޯވޭ ބައްދަލުކުރިމެޗް ޕޯޗްގަލް ކާމިޔާބުކޮށްފިއެވެ.
ނޯވޭގައި ކުޅުނު މިމެޗް ޕޯޗްގަލް ކާމިޔާބުކުރީ 2-1 ގެ ނަތީޖާއިންނެވެ. މެޗުގެ އެންމެ ފުރަތަމަ ލަނޑު ޖަހައި ޕޯޗުގަލްއަށް ކުރިހޯދައިދިނީ 17 ވަނަ މިނެޓް ތެރޭގައި ޔާއޯ ފެލިކްސްއެވެ. ނަމަވެސް ދެވަނަ ހާފުގެ ކުރީކޮޅު ހާލަންޑް ވަނީ ލަނޑެއް ޖަހައި ނަތީޖާ ހަމަހަމަކޮށްދީފައެވެ. މިއީ ނޭޝަންސް ލީގުގައި ހާލަންޑް ޖެހި 22 ވަނަ ލަނޑެވެ. މިއާއެކު އޭނާ ވަނީ މި މުބާރާތުގެ ތާރީޚުގައި އެންމެ ގިނަ ލަނޑު ޖެހި ކުޅުންތެރިޔާގެ ރެކޯޑު އިތުރަށް ފުޅާކޮށްފައެވެ.
ނޯވޭ އިން މެޗް އެއްވަރުކުރިނަމަވެސްއޭގެ އިރުކޮޅެއްފަހުން ގޯލްކީޕަރު އޮރްޖަން ނައިލަންޑަށް ހެދުނު ގޯހެއްގެ ފައިދާ ނަގައި ޕޯޗުގަލްގެ ގޮންކާލޯ ރާމޯސް ވަނީ ލަނޑެއް ޖަހައި ދެވަނަ ފަހަރަށް ޕޯޗްގަލްއަށް ލީޑް ނަގައިދީފައެވެ.
ކެރިއަރުގައި 1،000 ލަނޑު ޖެހުމުގެ އުއްމީދުގައި ހުރި ޕޯޗްގަލްގެ ކްރިސްޓިއާނޯ ރޮނާލްޑޯ މި މެޗްގައި އިންނަން ޖެހުނީ ބެންޗުގައެވެ.
Advertisement
This content is created and paid for by advertisers and does not involve Voice Journalists
