މިނިވަން 60 ފާހަގަކުރުމުގެ ގޮތުން މިއަހަރު ކުލަގަދަ ހަރަކާތްތަކެއް ބޭއްވުމަށް ހަމަޖެހިފައިވާކަމަށާއި އެކަމާގުޅޭ އެންމެފަހުުގެ އެންމެ ފަހުގެ ތައްޔާރީތަށްވަމުން އަންނަކަމަށް ދިވެހި ބަހާއި ސަޤާފަތާއި ތަރިކައާ ބެހޭ ވުޒާރާއިން ބުނެފިއެވެ.

މި އަހަރުގެ މިނިވަން ދުވަހުގެ ހަރަކާތްތައް ރާވައި ހިންގުމަށްޓަކައި ދިވެހިބަހާއި ސަޤާފަތާއި ތަރިކައާ ބެހޭ ވުޒާރާއާއި، ދަޢުލަތުގެ މުއައްސަސާތަކާއި އެސްއޯއީތަކާއި، މޯލްޑިވްސް ޕޮލިސް ސަރވިސް، މޯލްޑިވްސް ނޭޝަނަލް ޑިފެންސް ފޯސް ގެ އިތުރުން ކެޑޭޓް ކޯގެ ގުޅިގެން ކުލަގަދަ ހަރަކާތްތަކެއް ބޭއްވުމަށް ވަނީ ހަމަޖެހިފައެވެ.

މި ހަރަކާތްތަށް ބޭއްވުމަށް ހަމަޖެހިފައިވަނީ ތިން ދުވަހުގެ މުއްދަތަކަށް ބަހާލައިގެންނެވެ.

އެގޮތުން ޖުލައި 26 ވާ ހޮނިހިރު ދުވަހުގެ ހެނދުނު މީހުން ދިރިއުޅޭ ހުރިހާ ރަށެއްގައި ދިދަ ނެގުމުގެ ރަސްމިއްޔާތަކުން އެ ދުވަސް ފެށުމަށް ވަނީ ހަމަޖެހިފައެވެ. އެދުވަހު ހަވީރު މާލޭގެ ޖުމްހޫރީ މައިދާން ސަރަހައްދުގައި ހެވިކަމުގެ ކުޅިވަރާއި، އެމްއެންޑީއެފްއާއި ކެޑޭޓްކޯގެ ޕެރޭޑު، 4 ސްކޫލެއްގެ 2 ހަރާކާތްގެ އިތުރުން ދިވެހި ބަހާއި ސަޤާފަތާއި ތަރިކައާ ބެހޭ ވުޒާރާގެ ސަޤާފީ އައިޓަމެއް ބޭއްވުމަށް ވަނީ ހަމަޖެހިފައެވެ. އަދިހަމައެހެންމެ، އެދުވަހު ރޭގަނޑު މާލޭގައި ފުޅަނދުބުރެއް ބޭއްވުމަށް ވެސް ވަނީ ހަމަޖެހިފައެވެ.

ޖުލައި 27 ވާ އާދީއްތަ ދުވަހުގެ ހެނދުނު 09:00 ގައި ޖުމްހޫރީ ދުވަހުގެ ރަސްމީ ޖަލްސާ ބޭއްވުމަށް ހަމަޖެހިފައިވާއިރު، އެދުވަހުގެ ހަވީރުގެ ވަގުތުގައި، މާލޭގެ ބޮޑެތި މަގުތަކުގައި ޕެރޭޑަކާއި ރޫޓް މާޗްއެއް ކުރިއަށް ވަނީ ނިންމާފައެވެ. އެދުވަހު ރޭގަނޑު ހުޅުމާލޭގައި ހަވާއެރުވުމުގެ ހަރަކާތަކާއި ފުޅަނދުބުރެއް ބޭއްވުމަށް ވަނީ ހަމަޖެހިފައެވެ.

ޖުލައި 28 ވަނަ ދުވަހުގެ ހެނދުނު، ދަޢުލަތަށް ދިގު މުއްދަތަށް ޚިދުމަތްކުރުމުގެ ޤައުމީ އިނާމު ދިނުމުގެ ރަސްމިއްޔާތު ބޭއްވުމަށް ވަނީ ހަމަޖެހިފައެވެ. މިދުވަހު ހަވީރު ހުޅުމާލޭގައި ޕެރޭޑާއި ރޫޓްމާޗް ކުރިއަށްދާނެއެވެ. މިނިވަން 60 ގެ ހަރަކާތްތައް ނިންމާލާނީ އެދުވަހުގެ ހަވީރު ހުޅުމާލޭގައި ބޭއްވުމަށް ހަމަޖެހިފައިވާ ޕެރޭޑާއި ރޫޓްމާޗްއިންނެވެ. 

މި ހަރަކާތްތަކުގެ އިތުރުން ފޮޓޯގްރަފީ މުބާރާތަކާއި، ސްކޫލް ދަރިވަރުންނަށް މަޒުމޫނު ލިޔުމާއި ކުރެހުމުގެ މުބާރާތެއް ބޭއްވުމަށް ވެސް ހަމަޖެހިފައިވާކަމަށް އެ ވުޒާރާއިން ވަނީ ބުނެފައެވެ.

މިނިވަން 60ގެ އެންމެފަހުގެ ތައްޔާރީތައް ވަމުން އަންނައިރު ފާހަގަކޮށްލަންޖެހޭ ކަމަކީ، ކޮންމެ އަހަރަކުވެސް ދިވެހި ބަހާއި ސަޤާފަތާއި ތަރިކައާ ބެހޭ ވުޒާރާއިން އަންނަނީ މިނިވަން ދުވަސް ކުލަގަދަކޮށް ފާހަގަކުރަމުންނެެ.