މި އަހަރު މި އަހަރު 11 މިސްކިތާއި ދިއްދޫ އިސްލާމީ މަރުކަޒާއި ފުވައްމުލަކު މަރުކަޒު ހުޅުވާނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިރޭ ވިދާޅުވެއްޖެ އެވެ.

ޝަހީމް ވަނީ މި އަހަރު ހުޅުވަން ހަމަޖެހިފައިވާ މިސްކިތްތަކާއި އިސްލާމީ މަރުކަޒު އަދި ކީރިތި ގުރުއާނާ ބެހޭ މަރުކަޒުގެ ތަފްސީލު ހިއްސާ ކޮށްފަ އެވެ. އެ ގޮތުން 11 މިސްކިތް މި އަހަރު ހުޅުވާނެ އެވެ. އަދި ދިއްދޫ އިސްލާމިކް ސެންޓަރާއި ފުވައްމުލަކު ސިޓީ ޤުރުއާނާބެހޭ މަރުކަޒު މި އަހަރު ހުޅުވާނެ އެވެ.

އެތަންތަން ހުޅުވާނެ ތާރީހުތައް ވެސް ވަނީ އާންމުކޮށްފަ އެވެ.

* ނ. މަނަދޫ މިސްކިތް - ޖޫން 30 

* ހއ. ދިއްދޫ އިސްލާމިކް ސެންޓަރު - ޖުލައި 15

* ޅ. ކުރެންދޫ މިސްކިތް - 1 ސެޕްޓެންބަރު

* އއ. ހިމަންދޫ މިސްކިތް - 5 ނޮވެންބަރު

* އއ. ދިގުރަށު މިސްކިތް - 30 ޖުލައި

* ލ. ގަން ތުނޑި މިސްކިތް - 15 ސެޕްޓެންބަރު

* ސ. މަރަދޫ މިސްކިތް - 15 އޮގަސްޓް

* ސ. މީދޫ މިސްކިތް - ނޮވެންބަރު 30

* ތ. ކަނޑޫދޫ މިސްކިތް - 31 ޑިސެންބަރު

* ތ. ދިޔަމިގިލި މިސްކިތް - ޖުލައި 30

* ފުވައްމުލަކު ދޫޑިގަން މިސްކިތް - ސެޕްޓެންބަރު 3

* ފުވައްމުލަކު ސިޓީ ޤުރުއާނާބެހޭ މަރުކަޒު - 1 އޮގަސްޓް

* ތ. ވަންދޫ މިސްކިތް - ޑިސެންބަރު 31

ސަރުކާރުން މިހާރުވެސް ވަނީ ހަތަރު ރަށެއްގައި އިސްލާމިކް ސެންޓަރުތައް އެޅުމަށް ނިންމާ ކޮންޓްރެކްޓަރުން ހޯދަން އިއުލާނު ކޮށްފަ އެވެ. އަދި އިތުރު 10 ރަށެއްގައި މިސްކިތް ހެދުމަށް ވެސް އިއުލާނު ކޮށްފައިވެ އެވެ.