މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްފެނީ (އެމް.ޓީ.ސީ.ސީ) އިން ފ. މަގޫދޫގެ ބިންހިއްކުމާއި އެއްގަމު ތޮށިލުމުގެ މަސައްކަތުގެ ބޮޑުބައެއް ނިންމާލައިފިއެވެ.

މިކަން ހާމަކޮށް އެކުންފުނިން އެކްސްގައި ކޮށްފައިވާ ޕޯސްޓެއްގައި ބުނެފައިވަނީ ރޮކް ބޯލްޑަރ ރިވެޓްމަންޓް ޖެހުމުގެ މަސައްކަތުގެ %42 ނިމިފައިވާ ކަމަށާއި، ޖިއޯ ބެގް ރިވެޓްމަންޓް ޖެހުމުގެ މަސައްކަތް ބާރު ސްޕީޑްގައި ކުރިއަށްދާ ކަމަށެވެ.

މި މަސައްކަތުގެ ދަށުން 2531 މީޓަރުގެ ސަރަހައްދެއްގައި ރޮކް ބޯލްޑަރ ރިވެޓްމަންޓް ޖެހުމާއި، 1514.8 މީޓަރުގެ ސަރަހައްދެއްގައި ޖިއޯ ބެގް ރިވެޓްމަންޓް ޖެހުމުގެ އިތުރުން، 510901 އަކަ ކިލޯ މީޓަރު ގެ ސަރަހައްދެއް ހިއްކުމަށް ވަނީ ހަމަޖެހިފައެވެ.

ސަރުކާރުން އެމް.ޓީ.ސީ.ސީ އާއި މި މަސައްކަތް ހަވާލުކޮށްފައިވަނީ 2022 ވަނަ އަހަރުގެ އޮކްޓޯބަރު މަހުގެ ތެރޭގައެވެ.

އާބާދީގައި ގާތްގަނޑަކަށް 350 މީހުން ދިރިއުޅޭ މަގޫދޫގައި ކުރިއަށްގެންދާ މި މަޝްރޫޢު ނިމުމާއެކު އުމްރާނީ ގޮތުންނާއި އިޖުތިމާޢީ ގޮތުން ގިނަގުނަ މަންފާތަކަކާއި ފަސޭހަތަކެއް ލިބިގެންދާނެ ކަމަށް އެމްޓީސީސީން ވިދާޅުވެއެވެ.