މަސްތުވާތަކެތީގެ މައްސަލައެއްގައި ހުޅުމާލޭ ފޭސް އެކަކުން މީހަކު ހައްޔަރުކޮށްފިއެވެ.
ފުލުހުން ބުނެފައިވާ ގޮތުގައި، މި މައްސަލަ އާ ގުޅިގެން ހައްޔަރުކޮށްފައިވަނީ ކ. ކާށިދޫ / ސްނޯވައިޓް، އަޙްމަދު ވަސްމީ (26އ) އެވެ. އޭނާ ހައްޔަރުކޮށްފައިވަނީ ޖޫން 30 ވަނަ ދުވަހު ހުޅުމާލޭ ފޭސް 1 ގެ ފުލުހުން ރަށުތެރެ ޕެޓްރޯލު ކުރަމުގެ ތެރެއިންނެވެ.
މަސްތުވާތަކެއްޗާއި އެކު ހުޅުމާލެއިން ހައްޔަރު ކުރެވުނު މީހާ. ފޮޓޯ/ ދިވެހި ފުލުހުންގެ ޚިދުމަތް---
އެގޮތުން ވަސްމީގެ އަމަލުތައް ހުރިގޮތުން ހުއްޓުވައި ބަލައިފާސްކޮށްފައިވާ ކަމަށާއި ފުލުހުން އޭނާ ގާތު މަޑުކުރަން އެންގުމުން އޭނާގެ އަތުގައި އޮތް އެއްޗެއް ބިންމައްޗަށް ވައްޓައިލުމުން އެ ނަގައި ބަލައިފާސްކުރިއިރު މަސްތުވާތަކެތިކަމަށް ޝައްކުކުރެވޭ އެއްޗެއް ހުރި ރަބަރު ޕެކެޓުތަކެއް ފެނިފައިވާކަމަށް ފުލުހުން ވަނީ ބުނެފައެވެ. އަދި މި ތަކެތީގެ ބަރުދަނުގައި ތިން ގުރާމު ހުރިކަމަށް ވެސް ފުލުހުން ބުނެފައިވެއެވެ.
މި މައްސަލައާ ގުޅިގެން އަޙްމަދު ވަސްމީ (26އ) ގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން، ކޯޓުން ވަނީ ހަތް ދުވަހަށް އޭނާ ބަންދު ކުރުމަށް އަމުރުކޮށްފައެވެ.
ފުލުހުން ގެންދަނީ މި މައްސަލަ އިތުރަށް ތަހުގީގު ކުރަމުންނެވެ.
Advertisement
This content is created and paid for by advertisers and does not involve Voice Journalists
