ޣައްޒާގެ އަލް ޝިފާ ހޮސްޕިޓަލުގެ ޑައިލިސިސް ޑިޕާޓްމަންޓުން ކްރިޓިކަލް ބަލިމީހުންނަށް ދެމުން އައި ޚިދުމަތްތައް ހުއްޓާލަން މަޖުބޫރުވެއްޖެއެވެ.
އެ ހޮސްޕިޓަލުން ކިޑްނީ ބައްޔަށް ފަރުވާ ހޯދަމުންދާ ފަރާތެއްކަމަށްވާ އިމާދު ޤާސިމް ބުނެފައިވާ ގޮތުގައި އޭނާ ރޫޓިން ޑައިލިސިސް ހަދަން މިއަދު އެހޮސްޕިޓަލަށް ދިޔައިރު ފެނުނީ މުޅި ވިންގް ބަންދުކޮށްފައި އޮތް ތަން ކަމަށެވެ.
"މިއީ އަހަރެމެން ފަދަ ކިޑްނީ ފެއިލްވެފައިވާ ބަލިމީހުންގެ ފުރާނައަށް ނުރައްކާވާ ހާލަތެއް. ޝެޑިއުލް ކޮށްފައިވާ އެއް ޑައިލިސިސް ސެޝަން ގެއްލުމުން ވެސް އަހަރެމެންގެ ފުރާނަ ނުރައްކަލުގެ ތެރެއަށް ވެއްޓިގެންދާނެ. މިވަގުތު އަހަރެންނަށްކުރެވޭނެ އެއްވެސް ކަމެއްނެތް. މިއީ އަހަރެމެން ފަދަ ކިޑްނީ ބަލި ހުންނަ މީހުންނަށް ލިބުނު އިތުރު ދެރައެއް،"
އިމާދު ޤާސިމް ބުންޏެވެ.
ފާހަގަކޮށްލަން ޖެހޭ ކަމަކީ، ޣައްޒާގައި އަލް ޝިފާ ހޮސްޕިޓަލް ފިޔަވާ ޑައިލިސިސް ފަރުވާގެ ޙިދުމަތް ދެވޭނެ އެހެން އެއްވެސް މެޑިކަލް ސެންޓަރެއް ނެތެވެ.
އިސްރާއީލުން ޣައްޒާގެ ބޯޑަރުތައް ބަންދުކުރުމުގެ ސަބަބުން ތެޔޮ ލިބުމަށް ދަތިވެ، ހޮސްޕިޓަލްތަށް ހިންގުމަށް ވަނީ ދަތިވެފަ އެވެ. އަދި އިޒުރޭލުން ދަނީ ފަލަސްޠީނުގެ ރައްޔިތުންނަށް ދަތި ކުރުމުގެގޮތުން ކާބޯތަކެތިން އެބައިމީހުން މަހުރޫމްކޮށް ބަނޑަށް ޖައްސަމުންނެވެ.
Advertisement
This content is created and paid for by advertisers and does not involve Voice Journalists
