ދައުލަތުގެ ޓެކްސް އިދާރާ، މޯލްޑިވްސް އިންލަންޑް ރެވެނިއު އޮތޯރިޓީން، އިލެކްޓްރޯނިކް އިންވޮއިސް ސިސްޓަމެއް ތައާރަފްކުރުމަށް މަސައްކަތްކުރަމުންދާކަމަށް އެ އިދާރާއިން ބުނެފިއެވެ.

މީރާގެ 15 ވަނަ އަހަރީ ދުވަހުގެ މުނާސަބަތުގައި ކޮމިޝަނަރ ޖެނެރަލް އޮފް ޓެކްސޭޝަން ހަސަން ޒަރީރު ދެއްވި ޚިޠާބެއްގައި ވިދާޅުވީ، ދައުލަތުގެ ޓެކްސް އިދާރާގެ ހިދުމަތްތައް ޒަމާނާ އެއްގޮތަށް ދިނުމަށް ދިނުމަކީ އެ އިދާރާއިން އެންމެ އިސްކަންދޭ އެއް ކަންތައްކަމަށެވެ. އެގޮތުން ޓެކްނޮލޮޖީގެ އެހީގައި މީރާގެ މަސައްކަތްތައް ހަލުއިކޮށް ހަރުދަާކުރުމާއި. މީރާގެ ހިދުމަތްތައް ފަސޭހަކޮށްދިނުމުގެ ގޮތުން އެއިދާރާގެ ޑިޖިޓަލް ޓްރާންސްފޯމޭޝަން ރޯޑްމެޕެއް އެކުލަވާލައި އޭގައިވާ ކަންކަން ހާސިލްކުރުމުގެ މަސައްކަތް ފަށާފައިވާކަމަށެވެ.

ޔަޒީދް ވިދާޅުވީ ކުރިއަރާފައިވާ އެހެން ޤައުމުތަކުގައި ބޭނުންކުރާފަދަ އިލެކްޓްރޯނިކް އިންވޮއިސިން ސިސްޓަމެއް ރާއްޖެއަށް ތައާރަފްކޮށް، ޓެކްސް ދައްކާ ފަރާތްތަކާ މީރާގެ ސިސްޓަމްތައް ގުޅުވާލައި ތެކުހާ ގުލޭ އިންތިޒާމްތައް އަދާކުރުން އިތުރަށް ފަސޭހަ ކުރުމަކީ އެ ރޯޑްމެޕްގައި ހިމެނޭ މުހިއްމު ލަނޑުދަނޑިއެއް ކަމަށެވެ. 

މި ހިތާބުގައި ކޮމިޝަނަރ ޖެނެރަލް ވިދާޅުވެފައިވަނީސަރަހައްދީ އަދި ބައިނަލްއަޤްވާމީ ގޮތުންވެސް ޓެކުހުގެ ދާއިރާގައި މީރާއިން ފާހަގަކޮށްލެވޭ ކުރިއެރުންތަކެއް ހޯދާފައިވާކަމަށެވެ. އެގޮތުން ބައިނަލްއަޤްވާމީ އޭޖެންސީތަކުގައި މީރާއިން އިސް ދައުރެއް އަދާކުރަމުންދާކަން ކޮމިޝަނަރު ފާހަގަކުރެއްވިއެވެ.

ދައުލަތުގެ ޓެކްސް އިދާރާގެ ނަމުގައި މީރާ އުފެދުނީ 2010 ވަނަ އަހަރުގެ އޮގަސްޓްމަހުގެ 2 ވަނަ ދުވަހުއެވެ. އެރު މީރާގައި 40 މުއައްޒަފުން ތިބިިނަމަވެސް މިހާރު އެ އިދާރާގައި 300 އަށްވުރެ ގިނަ މުއައްޒަފުން އެބަތިއްބެވެ. އަދި ރާއްޖޭގެ އެކި ކަންކޮޅުތަކުގައި މީރާއިން ވަނީ 18 އޮފީސް ގާއިމްކޮށް ޓެކުހާ ގުޅޭ ހިދުމަތްތައް ދެމުންނެވެ.