ރައީސުލްޖުމްހޫރިއްޔާ ޑރ.މުއިއްޒު ބ.އަތޮޅަށް ކުރައްވާ ދަތުރުފުޅެއް ފައްޓަވައިފި
ރައީސުލްޖުމްހޫރިއްޔާ ޑރ.މުހައްމަދު މުއިއްޒު ބ.އަތޮޅުގެ ރަށްތަކަށް ކުރައްވާ ދަތުރުފުޅެއްގައި މިއަދު އެއަތޮޅަސް ފުރާވަޑައިގަންނަވައިފިއެވެ.
ރައީސް ޑރ.މުއިއްޒުގެ މި ދަތުރުފުޅަކީ ބ.އަތޮޅުގެ މީހުން ދިރިއުޅުއްވާ ރަށްތަކަށް ވަޑައިގެން އެތަތޮޅުގެ ރައްޔިތުންނާއި ކައުންސިލްތަކާއި، އަންހެނުންގެ ތަރައްޤިއަށް މަސައްކަތްކުރައްވާ ކޮމީޓީތަކާ ބައްދަލުކޮށް ރަށްރަށުގެ ތަރައްޤިއާ ގުޅުންހުރި ކަންކަމާއި ރައްޔިތުން ބޭނުންވާ ކަންކަމާ ގުޅޭ މައުލޫމާތު ހޯއްދަވައި މަޝްވަރާކުރުމުެގ ބޭނުމުގައި ކުރައްވާ ދަތުރުފުޅެކެވެ.
ރައީސް ބ.އަތޮޅަށް ކުަރައްވާ މި ދަތުރުފުޅުގައި 13 ރަށަކަށް ވަޑައިގަންނަވާނެއެވެ.
ރައީސް ޑރ.މުއިއްޒުގެ މި ދަތުރުފުޅުގައި އެންމެފުރަތަމަ ވަޑައިގަންނަވާނީ، ކަމަދޫ އަށެވެ. އޭގެފަހުން ކުޑަރިކިލު، ކެންދޫ، އޭދަފުށި، ތުޅާދޫ، ގޮއިދޫ، ފެހެންދޫ، ފުޅަދޫ، ހިތާދޫ، ކިހާދޫ، ދޮންފަނު، ދަރަވަންދޫ އަދި މާޅޮހަށް ވަޑައިގަންނަވާނެއެވެ.
ބ.އަތޮޅަށް ވަޑައިގަތުމުގެ ކުރިން ރައީސް އެންމެފަހުން ވަނީ ނ.އަތޮޅުގެ ރަށްތަކަށްވެސް ޒިޔާރަތްކުރައްވައި ބައެއް ރަށްރަށުގައި ތަރައްޤީގެ ބައެއް މަޝްރޫޢުތައް ފައްޓަވައި ކުރިއަށް ރޭވިފައިހުރި ކަންކަމުގެ މައުލޫމާތު ހިއްސާކުރައްވާފައެވެ.
Advertisement
This content is created and paid for by advertisers and does not involve Voice Journalists
