ޕާކިސްތާނުގެ މިނިވަންދުވަހުގެ މުނާސަބަތުގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒު އެޤައުމުގެ ވެރިންނަށާއި ރައްޔިތުންނަށް ތަހުނިޔާ ވިދާޅުވެ މެސެޖެއް ފޮނުއްވައިފިއެވެ.
ޕާކިސްތާނުގެ 79 ވަނަ މިނިވަންދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގައި ރައީސް ވަނީ ޕާކިސްތާނުގެ ރައީސް އާސިފް އަލީ ޒަރްދާރީ އާއި، ބޮޑުވަޒީރު މުޙައްމަދު ޝެހެބާޒް ޝަރީފުގެ އިތުރުން އެ ޤައުމުގެ ރައްޔިތުންނަށް މިނިވަންދުވަހުގެ ތަހުނިޔާ ވިދާޅުވެފައެވެ. އަދި ރައީސް ވަނީ މިނިވަންކަމުގެ މި މުނާސަބާ ފާހަގަކުރަމުންދާއިރު ޤައުމެއްގެ ގޮތުގައު ކުރިއަރާދިއުމަށް އެޤައުމުން ހޯދާފައިވާ ކުރިއެރުން ފާހަގަކުރައްވާފައެވެ.
ރައީސްގެ ޕޯސްޓްގައި ވަނީ ރާއްޖެ އާއި ޕާކިސްތާނުގެ ގުޅުން ކުރިއަށް އޮތްތަނުގައި އިތުރަށް ބަދަހިވެގެންދާނޭކަން އުއްމީދުކުރައްވާކަމަށް ވިދާޅުވެފައެވެ.
ކޮންމެ އަހަރެއްގެވެސް ޕާކިސްތާނުގެ މިނިވަންދުވަހުެގ ގޮތުގައި ފާހަގަކުރަނީ، އޮގަސްޓްމަހުގެ 14 ވަނަ ދުވަހެވެ. އެޤައުމަށް މިނިވަންކަން ލިބުނީ އިނގިރޭސިންގެ އިސްތިއުމާރުގެ ދަށުން އެޤައުމަށް ފުރިހަމަ މިނިވަންކަން ލިބުނު ދުވަސްކަމަށްވާ 11 އޮގަސްޓް 1947 ވަނަ އަހަރާ ގުޅުވައިގެންނެވެ.
Advertisement
This content is created and paid for by advertisers and does not involve Voice Journalists
