ބ.އަތޮޅު މާޅޮހުގައި ބޭންކް އޮފް މޯލްޑިވްސްއިން ގާއިމްކުރި އޭތީއެމްގެ ހިދުމަތް ރައީސުލްޖުމްހޫރިއްޔާ ޑރ.މުހައްމަދު މުއިއްޒު މިއަދު ރަސްމީކޮށް ފައްޓަވައިދެއްވައިފިއެވެ.
މާޅޮހުގައި ބީއެމްއެލުން ގާއިމްކުރި އޭޓިއެމްގެ ހިދުމަތް ރަސްމީކޮށް ފެށުމުގެ ގޮތުން މިއަދު ވަނީ ހާއްސަ ރަސްމިއްޔާތެއް އެރަށުގައި ބާއްވާފައެވެ. މި ރަސްމިއްޔާތުގައި ރައީސުލްޖުމްހޫރއިްޔާގެ އިތުރުްނ ބީއެމްއެލްގެ އިސްވެރިންނާއި ދައުލަތުގެ ބައެއް ވަޒީރުންގެ އިތުރުން އެރަށުގެ ރައްޔިތުން ބައިވެރިވިއެވެ.
ބީއެމްއެލުން ވަނީ މީހުން ދިރިއުޅެމުންދާ 47 ރަށުގައި އޭޓީއެމް ބަހައްޓާފައެވެ. މާޅޮހުގައި އޭޓީއެމްގެ ހިދުމަތް ގާއިމްވެގެންދިއުމާއެކު ބ.އަތޮޅުގެ ހުރިހާ ރަށެއްގައި ބީއެމްއެލްގެ އޭޓީއެމް ބަހައްޓައި ނިމުނީއެވެ. ރައީސް ބ.އަތޮޅުގެ ރަށްތަކަށް ފެއްޓެވި ދަތުރުފުޅުގެ ތެރެއިން ވަނީ އެއަތޮޅުގެ ގިނަ ރަށްތަކެއްގައި އޭޓީއެމްގެ ހިދުމަތް ފައްޓަވައިދީފައެވެ.
ސަރުކާރުގެ ސިޔާސަތުގެ ދަށުން ބީއެމްއެލުން ވަނީ މުޅި ރާއްޖޭގެ މީހުން ދިރިއުޅޭ ހުރިހާ ރަށެއްގައި އޭޓިއެމް ބެހެއްޓުމުގެ މަސައްކަތް ފަށާފައެވެ. އެއީ ރައީސް ޑރ.މުއިއްޒުގެ ވައުދުފުޅެކެވެ. އެގޮތުން އެ މަސައްކަތް މިއަހަރުގެ ތެރޭގައި ނިންމާލެވޭނޭކަމަށް އެ ބޭންކުން ބުނެއެވެ
Advertisement
This content is created and paid for by advertisers and does not involve Voice Journalists
