ރައީސް "އިހުސާސް" ކުރެހުމުގެ މައުރަޒު ބައްލަވާލައްވައިފި
ރައީސުލްޖުމްހޫރިއްޔާ ޑރ. މުހައްމަދު މުޢިއްޒު "އިހުސާސް" ކުރެހުމުގެ މައުރަޒު ބައްލަވާލައްވައިފި އެވެ.
ނޭޝަނަލް އާޓް ގެލެރީގައި ކުރިއަށްދާ މި މައުރަޒަކީ، ރާއްޖޭގެ ހުނަރުވެރި ފަންނުވެރިއެއް ކަމަށްވާ އަބްދުالله ފާއިޒް، ރާއްޖޭގެ އާސާރީ ތަންތަނާއި، އެހާރާއި މިހާރުގެ ދިރިއުޅުން ދައްކުވައިދޭ ކުރެއްހުންތައް ދައްކާލުމަށް ކުރިއަށް ގެންދާ މައުރަޒެކެވެ.
ރައީސް "އިހުސާސް" ކުރެހުމުގެ މައުރަޒު ބައްލަވާލެއްވުން -- ފޮޓޯ: ރައީސް އޮފީސް
ރާއްޖޭގެ އިތުރުން ރާއްޖެއާއިި އަވަށްޓެރި ބައެއް ގައުމުތަކުގެ ކުރެހުންތައް ވެސް މައުރަޒުގައި ހިމެނެއެވެ. ރައީސުލްޖުމްހޫރިއްޔާ ވަނީ މަޢުރަޒުގެ ކުރެހުންތައް ބައްލަވާލައްވައި މެހުމާނުން ސޮއިކުރައްވާ ފޮތުގައި ސޮއިކުރައްވާފަ އެވެ.
ރައީސް "އިހުސާސް" ކުރެހުމުގެ މައުރަޒު ބައްލަވާލެއްވުން -- ފޮޓޯ: ރައީސް އޮފީސް
މި އޮގަސްޓް މަހުގެ 6 އިން 16 އަށް ނޭޝަނަލް އާޓް ގެލެރީގައި ކުރިއަށް ގެންދާ މި މައުރަޒު ގައި ފަންސާސް ކުރެހުން ވަނީ ދައްކާލަން ބަހައްޓާފަ އެވެ.
Advertisement
This content is created and paid for by advertisers and does not involve Voice Journalists
