މަކިޓާ ޕާޓްނަރޝިޕްގެ ކާމިޔާބީއަށް 25 އަހަރު ފުރުމުގެ މުނާސަބާ ފާހަގަކުރުމުގެ ގޮތުން އެސްޓީއޯއިން މަކިޓާގެ އުފެއްދުންތަކަށް ހާއްސަ ޕްރޮމޯޝަނެއް ފަށައިފިއެވެ.

އެސްޓީއޯ ކޮންސްޓްރަކްޝަންސުން ކުރިއަށްގެންދާ މި ޕްރޮމޯޝަނުގެ ދަށުން މަކިޓާގެ އުފެއްދުންތައް ގަންނަ ފަރާތްތަކަށް, މަކިޓާގެ ގިނަ އުފެއްދުންތަކަކަށް 25 އިންސައްތައިގެ ޑިސްކައުންޓެއް ލިބޭނޭކަމަށް އެސްޓީއޯއިން ބުނެއެވެ. މި ޕްރޮމޯޝަން ކުރިއަށް ގެންދިއުމަށް ނިންމާފައިވަނީ, މިއަދުން ފެށިގެން އަންނަ ސެޕްޓެމްބަރުމަހުގެ 30 ވަނަ ދުވަހުގެ ނިޔަލަށެވެ.

އެސްޓީއޯ މަކިޓާ ޝޯރޫމް.. ފޮޓޯ: އެސްޓީއޯ

މި ޕްރޮމޯޝަން ކުރިއަށްދާނީ މާލެ މަކިޓާ ޝޯރޫމް އަދި ހުޅުމާލޭގައި ހުންނަ އެސްޓީއޯ ކޮންސްޓްރަކްޝަންސް ޝޯރޫމް ގައެވެ.

އެސްޓީއޯ އިން ވިއްކާ ވަކިޓާގެ އުފެއްދުންތަކެއް... ފޮޓޯ؛ އެސްޓީއޯ

1915 ވަނަ އަހަރު ވުޖޫދަށް އައި ޖަޕާނުގެ މަކިޓާގެ އުފެއްދުންތަކަކީ ދުނިޔޭގެ ގިނަ ބައެއްގެ އިތުރުން ރާއްޖޭގެ މަސައްކަތްތެރިންގެ މެދުގައިވެސް ވަރަށް ބޮޑު މަގްބޫލްކަމެއް ލިބިގެންގޮސްފައިވާ ބްރޭންޑެކެވެ. އެސްޓީއޯއިން ރާއްޖެއަށް މަކިޓާގެ އުފެއްދުންތައް ތައާރަފްކޮށްފައިވަނީ، މީގެ 25 އަހަރުކުރިން 2000 ވަނަ އަހަރެވެ.