މިއަދުން ފެށިގެން ސޯސަން ފިހާރައިގެ ބައެއް ހޯލްސޭލް ޑެލިވަރީވެސް އީޒެޕުން
މަޝްހޫރު ސޯސަން ފިހާރައިން ވިއްކާ އުފެއްދުންތައް އީޒެޕް މެދުވެރިކޮށް ހޯލްސޭލް ކުރެވޭގޮތް ހަދައިފިއެވެ.
މިކަން ފެށުމަށްޓަކައި އީޒެޕާއި ސޯސަންފިހާރައާ ދެމެދު އެއްބަސްވުން ގާއިމްކޮށްފައިވާއިރު، މި އެއްބަސްވުމުގެ ދަށުން ސޯސަން ފިހާރައިން ހޯލްސޭލްކޮށް ގަންނަ އުފެއްދުންތައް އީޒެޕް މެދުވެރިކޮށް ކަސްޓަމަރުން ބޭނުންވާ ތަނަކަށް ގެންގޮސްދެވޭނެއެވެ.
ސޯސަން ފިހާރައަކީ 1998 އަހަރުން ފެށިގެން ރާއްޖޭގެއެކި ކަންކޮޅުތަކަށް ދުނިޔޭގެ ކޮލިޓީ ރަނގަޅު ޕްރޮޑަކްޓްތައް ފޯރުކޮށްދެމުން އަންނަ ހޯލްސޭލް ދާއިރާގައި އެންމެ ކުރިއަރާފައިވާ އެއް ވިޔަފާރިއެވެ. ސޯސަން ފިހާރައަކީ ހޯލްސޭލްކުރުމުގައި އެންމެ ނަގާކިޔާ އެއް ފިހާރައެވެ. އެގޮތުން މަޝްހޫރު ޕަސްކުއާލް ޔޯގަޓުން ފެށިގެންގޮސް ޕިލްސްބަރީގެ އަޓާފުށް ފަދަ މުހިއްމު އެތައް ޕްރޮޑަކްޓެއްގެ މާކެޓްގައި އިތުބާރު ލިވިފައިވާ ސޯލް ޑިސްޓްރިބިއުޓަރެވެ.
އީޒެޕުން ބުނީ މިއަދުން ފެށިގެން އީޒެޕްގެ ކަސްޓަމަރުންނަށް މި ހިދުމަތް ލިބިގެންދާނޭކަމަށެވެ. މިއާއެކު ސޯސަން ފިހާރައިން ވިއްކާ މުހިއްމު ޕްެރޮޑަކްޓްތައް އީޒެޕުގެ ހޯލްސޭލް މޮޑިއުލް މެދުވެރިކޮށް އޯރޑަރ ކުރެވޭނެއެވެ.
އީޒެޕް އަދި ސޯސަން ފިހާރައިގެ ޓީމް..
ސޯސަން ފިހާރައިގެ މެނޭޖްމަންޓުން ބުނީ، އީޒެޕް މެދުވެރިކޮށް ހޯލްސޭލްކޮށް ގަންނަ މުދާތައް ޑެލިވަރީކުރެވޭނެ ގޮތް ވެގެންދިއުމަކީ، ފިހާރަތަކުގެ ވެރިންނަށް ލިބޭނެ ވަރަށް ބޮޑު ފަސޭހައެއް ކަމުގައިވާނެ ކަމަށެވެ.
ހާއްސަކޮށް ކުދި އޯޑާ ޖަހަން ބޭނުންވާ ފިހާރަތަކަށާއި ރެސްޓޯރަންޓްތަކަށް ސޯސަން ފިހާރައިގެ ޕްރޮޑަކްޓްތައް ފަސޭހަ ކަމާއެކު އޯޑަކޮށްލައިގެން ހޯދޭނެ ފަސޭހަ ގޮތެއްކަމުގައި ވެގެންދާނެ ކަމަށް އުއްމީދު ކުރާކަމަށް އެ ފިހާރައިން ބުންޏެވެ.
އީޒެޕް ގެ ސީއީއޯ އަދި ސީއެފްއޯ މިއުވާން ވިދާޅުވީ ސޯސަން ފަދަ ގިނަދުވަސްވީ އަދި ދިވެހީންގެ އިތުބާރު ލިބިފައިވާ ބްރޭންޑެއް އީޒެޕްއަ ގުޅުމަކީ އީޒެޕްގެ އިތުރުން ރާއްޖޭގެ ވިޔަފާރި ޑިޖިޓައިޒޭޝަށްވެސް ލިބޭ ވަރަށް ބޮޑު ކުރިއެރުމެއްކަމަށެވެ.
އީޒެޕްއުން ސޯސަން ފިހާރައިގެ ޕްރޮޑަކްޓްތައް ތެރެއިން ފުރަތަމަ ޑިޖިޓަލީ އޯރޑަރ ޖެހޭ ޕްރޮޑަކްޓްތަކުގެ ތެރޭގައި ހިމެނެނީ، ޝާން، ޕަސްކުއާލް، ރެމިއާ، ރިއަލް ތައި، ޕިލްސްބަރީ، އަދި ޑެލި ސަން އެވެ.
އީޒެޕް އާއި ސޯސަން ފިހާރައިން ބުނެފައިވަނީ މިއީ އަދި ފެށުމެއްކަމަށާއި ކުރިއަށް އޮތްތާނގައި ކަސްޓަމަރުންގެ ފީޑްބެކަށް ބަލައި ޕްރޮޑަކްޓްތައް އިތުރުކޮށް ޑިޖިޓައިޒްޑް ފްލޯތަކާއި ޑެލިވެރިީއަށް ބަދަލުތައް ގެނެވޭނެކަމަށެވެ.
އީޒެޕަކީ ވަރަށްގިނަ ހިދުމަތްތަކެއް އެކުލެވޭގޮތަށް ރާއްޖޭގައި ތައާރަފްކުރި ފުރަތަމަ ސުޕަ އެޕްލިކޭޝަނެވެ. މި އެޕް ތަރައްގީކޮށްފައިވަނީ ރާއްޖޭގައި މިހާރު ދެވޭ ގިނަ ޚިދުމަތްތައް ހިމަނައިގެންނެވެ.
Advertisement
This content is created and paid for by advertisers and does not involve Voice Journalists
