ރާއްޖޭގައި މަސައްކަތްކުރާ ބަންގްލަދޭޝްގެ މަސައްކަތްތެރިން މިދިޔަ އަހަރު 112 މިލިއަން ޑޮލަރު ބޭރުކުރިކަމަށް މަރުކަޒީ ބޭންކުގެ ތަފާސްހިސާބުތަކުން ދައްކައިފިއެވެ.

މޯލްޑިވްސް މަނިޓަރީ އޮތޯރިޓީން ނެރެފައިވާ 2024 ވަނަ އަހަރުގެ ޕޭމަންޓް ބްލެޓިން ރިޕޯޓްގައި ބުނެފައިވަނީ، ބިދޭސީން މިދިޔަ އަހަރު ރާއްޖެއިން 143 މިލިއަނަށްވުރެ ގިނަ ޑޮލަރު ބޭރުކޮށްފައިވާކަމަށެވެ. މިއީ އޭގެކުރީ 2023 ވަނަ އަހަރާ އަޅާބަލާއިރު، 59 އިންސައްތައިގެ އިތުރުވުމެކެވެ. 

މިދިޔަ އަހަރު ރާއްޖެއިން ބޭރުކުރި ފައިސާގެ ތެރެއިން އެންމެ ގިނަ އަދަދެއްގެ ފައިސާ ބޭރުކޮށްފައިވަނީ ބަންގްލަދޭޝް އަށެވެ. ބަންގްލަދޭޝްއަށް ފޮނުވި ބޭރުފައިސާގެ އަދަދު 112 މިލިއަން ޑޮލަރަށް އަރާއިރު، އެއީ އެ މުއްދަތުގެ ތެރޭގައި ރާއްޖެއިން ބޭރުކުރި އަދަދުގެ 72 އިންސައްތައެވެ. ބަންގްލަދޭޝްއަށްފަހު ދެން އެންމެގިނައިން ފައިސާ ބޭރުކުރި ޤައުމުތަކުގެ ތެރޭގައި ހިމެނެނީ، ނޭޕާލް. މިސްރު، ފިލިޕީންސް، އަދި އިންޑިއާއެވެ. 

މިދިޔަ އަހަރު ރާއްޖެއިން ބޭރުގެ ޤައުމުތަކަށް ކޮށްފައިވާ ރެމިޓެންސް މުއާމަލާތްތަކުގެ އަދަދު 1.2 މިލިއަނަށް އަރާއިރު، އެ މުއާމަލާތްތަކުގެ އަގު 13.2 ބިލިއަން ޑޮލަރަށް އަރާކަމަށް އެމްއެމްއޭގެ ރިޕޯޓުން ދައްކައެވެ.