ޖެރޫސަލަމްގެ އެތެރޭގައި ހުރި ބަސް ސްޓޮޕެއްގައި ދެ މީހަކު ދިން ހަމަލާއެއްގައި ނިރުބަވެރި ޔަހޫދީ ދައުލަތަށް ނިސްބަތްވާ ހަ މީހަކު މަރުވެ، 11 މީހުން ޒަހަމްވެއްޖެއެވެ.
ޓެރަރިސްޓް ހަމަލާއެއްގެ ގޮތުގައި އިޒްރޭލުގެ ސިފައިން ސިފަކޮށްފައިވާ މި ޙަމަލާދީފައިވަނީ ފަލަސްތީނުގައި އިޒްރޭލުން ހިފާފައިވާ ހުޅަނގު އައްސޭރިއަށް ނިސްބަތްވާ ދެ މީހެއް ކަމަށް އިޒްރޭލުގެ އަސްކަރިއްޔާއިން ބުނެއެވެ. އެގޮތުން މި ޙަމަލާއަކީ ވޭތުވެދިޔަ އަހަރުތަކުގެ ތެރޭގައި އެ ސަރަހައްދުގައި ދެވުނު އެންމެ ނުރައްކާތެރި ހަމަލާތަކުގެ ތެރެއިން އެއް ޙަމަލާ ކަމަށް ވެސް އަސްކަރިއްޔާއިން ވަނީ ސިފަކޮށްފައެވެ.
ފަލަސްތީނުގެ ހަމާސް ޖަމާއަތުން މި ހަމަލާއަށް ތައުރީފުކ ކުރި ނަމަވެސް އެ ޖަމާއަތުން މި ހަމަލާގެ ޒިންމާ ނަގާފައެއް ނުވެއެވެ.
އެ ޙާދިސާ ހިނގި ތަނުގައި ހުރެ އިޒްރޭލުގެ ހަރުކަށި ބޮޑުވަޒީރު ބެންޖަމިން ނެތަންޔާހޫ ވަނީ އެ ހަމަލާ ދިނުމުގައި އެހީތެރިވި ފަރާތްތައް ހޯދުމުގެ މަސައްކަތް އިޒްރޭލުގެ ސިފައިން ކުރަމުންދާ ކަމަށް ބުނެފައެވެ.
އެ ޙަމަލާގައި މަރުވި މީހުންގެ ތެރޭގައި 50 އަހަރުގެ ފިރިހެނަކާއި، އަންހެނެއްގެ އިތުރުން، 30 އަހަރުގެ ތިން ފިރިހެނުން ހިމެނެއެވެ. ޒަހަމްވި 11 މީހުންގެ ތެރެއިން ހަ މީހެއްގެ ޙާލަތު ވަރަށް ބޭރުގެ ނޫސްތަކުން ރިޕޯޓުކުރެއެވެ.
Advertisement
This content is created and paid for by advertisers and does not involve Voice Journalists
